男女都可答~~女人私己問題,

我諗都係諗番兩個大原則：

1. 無絕對正確合理既劃分方法，最緊要睇番你地之間既協商。
每對夫婦都有各自既價值觀，結婚後各自價值觀之間既緩衝結果不同，所以睇其他人既情況係無用既。

最緊要係你同先生之間商量清楚，因為你地自己有各自既諗法同私下既開支需要，各自既價值觀亦有不同，因此協商既結果亦有不同。最正確既劃分方法，或者就係可以令大家和氣收場既劃分方法，即使只係一方付出而已(一個願打一個願捱)。

例子：我太太曾經全職讀書，一分錢收入都無，我人工唔高成份糧又要供樓又要養起成頭家，個個月都儲唔到錢，當然乜興趣都談唔上，上網係唯一既娛樂；依家太太人工多過我，雖然我都照俾番份，但係佢又俾番多啲出嚟俾兩邊父母，等我可以儲番少少錢俾自己用係興趣方面，最緊要係大家之前傾掂數。

2. 商量、商量再商量，不過總會有一方或者雙方要作出讓步。
世界上無絕對既勝利，兩公婆之間千祈唔好存有[我又赢咗你啦]既諗法，如果你真係愛你既愛人，你就只會不怕虧底咁願意為對方付出。如果你或/及你先生還未有呢種思想，或者係你地既心未完全打開而已。

兩公婆之間既爭執，總唔會有絕對既雙赢，只會係一方或者雙方都作出讓步才可以解決問題而取得相對既雙赢(不輸便為赢，甚至輸亦為赢)。如果有咁樣既心理準備同質素，任何問題可以有可待解決既曙光。

例子：我同太太番工都累，番到屋企太太都有公司野要做，於是洗洗刮刮連煲水都係我做晒；間唔中太太無咁多野做，係屋企好得閑，我都情願自己做番晒洗洗刮刮既野，就連晾衫咁少事，因為條晾衫通我伸手就掂得到，我都費事太太又做唔慣，又要攞條晾衣竹舉下舉下咁辛苦，所以情願自己以正常速度做埋，好過太太用多兩倍既時間慢慢晾，情願佢有時間可以輕鬆休息下，唔使一得閑就去做家務。我因為自己做得好累而曾經嘈過，最後，每一次都係因為唔想太太辛苦而自己做番晒，習慣咗就好過啲。

少少個人意見以供參考。

希望可以幫到你啦。

我覺得你好應該同佢講清楚,一個家庭大家都有責任去付出,好好維繫夫妻間gei感情,我老公成日好proud of同人講我地d開支雜費都係AA的,家務通常我做gei,女兒開支大家都有份ga,大家都返工,佢搵一萬,我搵8千,都唔會太計較,因為我愛佢個人,都唔想見到佢咁辛苦,我諗如果你好愛你老公都唔會mind付出多d,其實我對佢好佢都會對我好,佢見我放工返嚟好攰,都會幫我按摩煮飯la,記住la,兩公婆要多溝通,體諒同包容,唔好太計較~~!!! 不過佢會做家務,湊女返學放學,洗衫買餸煮飯,呢d嘢唔係好多男人做得到,所以夫妻間都係唔好太計較,最重要大家一起開心,邊個付出多d同小d有咩所謂!今日佢搵兩萬,唔代表成世都係,以係情況,你唔係過份,他日佢無工做你養佢就會變得好應該,因為佢好時會養你,佢唔好時用你之前d私己都唔過份,好公平~~

我就唔係咩男士女士啦,不過我啊爸人工都係接近兩萬,(18500~20000)而阿媽就做d幾輕鬆ge工,好多假期,所以得$4500,我啊媽上年先開始做,之前都係啊爸負擔晒日常所有開支,所以我由細到大都覺得賺錢係男人ge事,女人係負責家務事,可以唔返工....

而有個亞當夏娃ge故事話佢地偷吃智慧果,上帝就罰夏娃要承受傳宗接代生BBge痛苦,而罰亞當要在家庭中擔當支柱,負責生計,要辛苦養活全家.....由此可見,寫故事ge人都覺得男人應出外工作,養活全家,而女人則負責養兒育女....

雖然我ge思想係傳統D,不過如果男人要靠女人養,米好無面lor,你老公既然有足夠ge人工去擔晒日常所有開支,咁點解要叫你wor,男人應該要表現下D 紳士風度呀ma!!何況兩夫婦,你ge錢米我ge錢,邊個比有咩所謂....平時我啊爸都會比晒D人工比啊媽,啊爸好少買野,大部分時間都係返工or係屋企....要錢果陣就問啊媽攞......

所以我覺得你唔算好過份.......

其實兩公婆結左婚就打算之後一世都係一齊嫁啦..
咁你老公洗唔洗供樓呀?
咁你地不如大家比下...
你地每人一個月可以剩返幾多$$$
之後再決定啦~
如果你見到你老公每個月都山窮水盡
你良心會好過咩?
大家都係兩公婆...唔好咁計交啦~