產假放完後, bb比邊個湊?

我想比我媽媽湊, 但佢冇湊bb經驗一切要由頭學起. 我有d吾放心.
吾可以日日見bb, 要拿去我媽家同我家好遠. 一星期見一兩次bb.

奶奶話要湊, 佢以前湊大2個細佬有晒經驗, 湊b我較放心.
但比99湊就要同住, 吾係短時間(約半至一年至少)
<--點解一齊住因為奶奶移民左外國, 佢回港冇屋住一定要同我地住
我地屋企好細, 3個大人一個b空間冇晒. 一定會有磨擦.
好處雖然係話日日見到b. 但婆媳問題..........
我同99有心病仲要好憎見到佢. 何況要同住, 想起就抑鬱.

請工人十萬個吾放心.

我有想過放棄份工. 雖然老公份糧夠養我同bb. 但如果我吾工作,
奶奶老爺就成日係老公耳邊挑釁離間,
好話我有工吾去做, 要靠佢個仔養, 除非我有本事到煮飯洗衫湊仔樣樣精, 菲傭都冇我咁叻佢地或會挑剔少d. 但我連煮飯都吾叻.
一定比佢地離間我同老公, 而我老公又耳仔軟好易受人影響.
怕我冇左獨立經濟能力乜都靠老公果陣, 關係好危險.

就算吾使洗我份糧養家我都吾可以吾做, 就係有個變態老爺99.

都吾知點辦.

我老公想比奶奶湊, 但冇講定比佢地湊幾耐,
佢地幾時黎香港又吾講實, 神神秘秘咁,
如果到時真係比99搬入黎, 我都吾知會吾會有產後抑屈.

但矛盾係, 吾比99湊, 仲有邊個更好方案?
比我媽媽湊, 我有少少吾放心, 佢地衛生意識, 安全/育兒意識都吾足,
我吾可能晚晚見bb

人地話生bb好開心, 我生完好似仲吾開心. 有冇過來人可以比d意見?!