1205 供股一問

當然供唔過啦,我都試過啦913合一投資,273威利國際都是用一樣原理把你的錢變成佢自巳的,你都有聲出喎,你可以在网上細看佢地一兩年供了多次股,合了多次股.....

你試想想,你供完股後,股本就大了,佢都唔會升得多,就算你以為打個和走,原來冇人接你手上股票....那你就要低價出.....
再唔走的話,等多一段時間佢又話供股,合股,.......你供得几多次合得几多次,到最後你計計你一手本金多少

我半年前買913,
500,000股 x 0.4 =200,000 (未計手續費)
跟住要供股約加多30,000 (未計手續費),即本金為203,000
跟住又五合一 ,只得100,000股 x 0.055 (就當今天計) =5,500 (只淨得) (未計手續費)
跟住又要再供股約6,0000 (未計手續費)
跟住又五合一 ,只得20,000股

供完股又合股,短短半年,你可以計計我現在手頭上的913合一投資
20,000股本金是多少,現在放可收回多少

都是聽李嘉誠話,買有實力股,跌了都有股息啦....
我希望可以幫到你啦

公司上市目的,就是要籌錢 ( 集資 ),作擴充規模,做大做好;上了市之後,再加大規模,就再集資,但亦有因生意失敗者,等錢使,用黎還債,就猛印股票去搶錢
資金需求少,則印小量股票售予投資客,稱為「批股」手續簡便o
若是大量集資, 則是售新股俾原有股東,佢地可按持股比例「供股」
無論「批股」與「供股」集資,都是加印股票,來年的營利及派息,都因多了股東的股票作攤分,即所謂「攤薄」;經濟環境向好時,股東們充滿美麗的夢想,期望公司集資造大,攪好生意,結果, 「集資」就成了好消息;:但若經濟環境轉壞時,公司集資擴大規模,則令人擔心,生意越做大,結果越差.甚或有些已失利的公司,「供股」用作還債,則更是壞消息了:所以, 供股與否是取決於大股東將會點樣用,將來公司會有前景嗎?絕對唔係計佢是否便宜、抵買o
有一些呃呃騙騙既小型公司,一年賺到果一千幾佰萬,但是都唔夠出糧俾班董事自己人,仲話年年蝕本,年年供股集資,買左佢就陰功啦!你要研究下值唔值得陪佢死!有時,供完股冇幾耐,就可以跌,破供股價,賴左屎敢樣, 其實,最好有禁快得禁快,唔好問價錢「止蝕」吧 !
况且依家係熊市 (跌市) 第二期
有反彈,冇上升
就如一個波在高處跌下
然後反彈,但是,一定彈唔過上次高位
彈下又跌落地,彈下彈下
最後,跌落懸崖,變成熊市 第三期
然之後,重新玩過,慢慢!慢慢咁樣再升番
一般要等三至九個月
反彈就先至完
你怕不怕填洞呀!
穩陣既,趁家陣學多的知識
然之後,一棍打落去吧 !






2008-06-29 09:46:03 補充：
我初學買股票時侯,往往喜歡揾 D 由高位跌到殘既細價股,大佬呀,十幾蚊跌到得番一蚊幾亳,跌左＋倍,要佢升番倍零兩倍唔難呱,點知,個天都唔幫我-------------o
舊時李嘉誠隻長江上市果陣唔係細價股咩,匯豐呢咪又係,;

2008-06-29 09:46:38 補充：
;喂! 老友,萬中無一喎,而,且佢地同是D 叻人攪既生意,可知一個醒既人,可以將一間殘廢左既公司攪到有聲有色,但,一個冇用既太子爺,二世祖可以將一間資產雄厚既公司,轉眼間變成負資產;所以,跑馬要揀騎師, 買股,除了拺行業,佢做生意既地方之外,揀大股東既管理層是最重要的o如果硬要揀細債股, 留意下大藍籌屬下的,有潛質的細公司吧!
睇下最近一蚊供股,資產有 $ 3.2既華人(655),抵買啦,剛供完股冇幾耐,家陣 $0.98喳!

系人都知威利系老千股, 新手一定要向D玩股票前輩學習, 先好買股票, 其實好股有咩可能成日都系得几仙, 呢D都系無價值和增長既公司, 我聽一個玩股票前輩話, 前身東方紅現在改了名的某間上市公司, 都系老千股, 十年來毫無增長過, 到而家都仲系仙股, 又十合几, 又玩供股, 總知就系佢地著數, 聽說近期仲叫人供股, 你話系唔系老千? 佢死都唔系講個間公司叫咩名, 我真系比佢吹漲!