請問如何換水？

１．換水次數大冇一定，但簡單o既原則係一個星期最少一次，每次三份一至一半。
對細缸o黎講，因為水少，好容易令水質有大轉變，所以換水宜多次少量，如每日五份一缸。
樓上一個錯誤講法：

如果你係換水前撥弄砂以待廢物浮起,
你覺得d水會唔會變濁呢!?
變濁左的話,
其實你果缸魚既水可以全換啦

連新魚入缸，都要對水，對水係令魚適應水質，樓上答問題都識講，但有冇真係諗過點解？如果因為換水抄起微粒變濁，全缸開過，ｄ水質變哂一樣有死魚危機！所以寧可等微粒沉澱同加濾棉！除非水質變壞，或加鹽加藥失手用量太多呢ｄ緊急情況，先會換超過一半水！
換水以吸缸底為主，因為魚屎都會沉底。留意，樓上講：

有〔濾水器〕的話,
其實只要係水面拎走一d水就夠,
唔駛係水底吸水

完全錯誤！我都有濾桶，但係泥面砂面都好多屎！濾水器o既主要用途係吸水，再以裏面o既濾材上養o既硝化菌做生物過濾，處理氮化物，唔係吸屎！如果屎被水流沖到吸水口，當然可以被吸走，但唔係全力！
砂底換水o既方法，最簡單就係用手動泵支膠管撥水，屎就會被揚起，你就可以吸。如果你唔介意令個缸ｄ砂底搞到變哂形，你可以直接抄砂。
再唔係，其實可以用洗砂器，其實就係一個手動泵，吸水o個邊有個膠樽咁o既部份接駁住。原理係段管窄的話水流得快，會將砂吸走，但膠樽咁闊，就邊你插入砂中，水流都唔快，於是砂只會被吸起少少，o個個範圍ｄ屎就會被吸出。
換入o既水可以用除氯，但如果有地方，建議換水前一晚放定o係水桶，氯氣都會自然消散，仲唔駛用化學野。
２．洗濾水器真係冇定時，有ｄ人如我可以半年先一次，更耐都有。
洗濾水器主要係倒左屎水，用魚缸舊水沖下棉同濾材，咁就得啦，因為水喉水會殺菌。棉本身有好多窿，養左好多菌，黑哂先好！只係你見佢唔開胃o者。所以你可以換－－如果你有生物環的話！
３．洗砂洗缸，一年一次夠啦，平時只要換水時用棉刷下玻璃，已經好足夠。洗砂時最簡單係入ｄ水浸過哂ｄ砂，用手抄，砂互相磨刷，水會變濁，但其實有ｄ可能係青苔／藻，但仲有唔少係砂磨甩o既粉！
留意，如果有膠手套就用下啦，因為砂會割到手．．．

其實砂底換水好麻煩,
所以我用都係用係好細既缸度~

1. 多久換水一次呢？是否集中吸去缸底的水？需否先撥弄砂以待廢物浮起才去吸水？是否去掉1/3水再加新水之後滴去氯劑？

換水每一至兩星期換一次,
每次換1/3至1/4水~

由於缸底積聚既魚屎比水面多
所以中吸去缸底的水係最好既~

如果你係換水前撥弄砂以待廢物浮起,
你覺得d水會唔會變濁呢!?
變濁左的話,
其實你果缸魚既水可以全換啦= =
太混濁,
就算吸都吸唔到幾多,
同埋d水濁左部分係魚屎引致,
部分亦可以係一d沉積物,
而且你可以吸到幾多條魚屎呢!?
所以可以既話,
有濾水器係最好嫁~
你有的話,
其實只要係水面拎走一d水就夠,
唔駛係水底吸水~

去掉1/3水再加新水之後先滴除氯劑,
我覺得有問題~
換水後先滴,
咁d水咪仲有氯氣,
d魚一樣有問題~
應該滴左再等一陣先換水
咁就可以保證d水真係無氯氣啦~

2. 多久清潔濾水器？

濾水器無定幾耐清洗一次既~
你鍾意既,
可以係洗缸時一齊洗埋又得,
或者見污糟先洗都得~
我習慣就係見污糟先洗,
但其實唔駛一個月就會好污糟嫁啦= =+

其實濾水器唔係最污糟,
最污糟既係濾水器既濾材,
濾材係濾水既過程中接觸到魚的排泄物,
濾棉更係阻隔污糟野既好幫手,
但係亦係清洗最麻煩既一樣,
太污糟時,
濾棉係超難洗,
當洗唔到既就要換新嫁啦~

而活性碳就咁用水沖沖就ok
只要過左有效期就換新包就得~

生物環就更加唔駛換,
每次清洗時,
就咁沖沖or刷刷佢就搞掂~

3. 如要清潔魚缸，要清潔底砂？

底砂既清洗方法好簡單,
我舅父教我,
用手拎起一「炸」摸摸佢,
再放開水,
重複幾次你就發覺d水變綠,
就係因為d青苔被搞到甩左~

1.多久換水係睇D水污唔污租,有d人 2-4星期換一次,濾水器靚d可2個月都不用換水,集中吸去缸底的水及廢物,千祈不要撥弄砂底,換1/3水最好,之後滴去氯劑,可以不用
2.換水時要清潔濾水器
3.如要清潔魚缸,不要清潔底砂,d魚好易死o架