A300, A350 or 450d or D60/D80 好呀??

呢幾部機各有優缺點.
如果講機身來講,我覺得D80比較完善,雖然都係塑膠機身,但係就用咗中階機先有既五稜鏡觀景窗,比較光亮,當你需要手動對焦例如影微距等會有幫助,另外兩部只係用咗鏡箱,會比較暗.
另外D80既對焦系統係用咗同D200一樣既Multicam 1000,有11個對焦點,對於動態拍攝比較優勝.
不過D80機身比較貴,要成$5200,而且kit set支鏡冇防震,唔係咁好用.
如果配一支日常用鏡頭的話可以考慮原廠房18-55mm f3.5-5.6 VR,焦距常用,有防震,係光圈細小小,只要千六蚊就買到.鐘意大光圈的話可以考慮Tamron 17-50mm f2.8,約$2800,不過就冇咗防震.再加一支約$700既50mm f1.8就可以影人像淺景深.
Canon 450D以入門機來講都冇乜可以挑剔,9點對焦,每秒3.5幅連拍.
日常用的話建議買kit set已經可以,約$6380,因為已經包埋鏡頭18-55mm f3.5-5.6 IS,焦距常用,有防震,鐘意大光圈的話可以考慮Tamron 17-50mm f2.8,不過就冇咗防震.再加一支600蚊既50mm f1.8就玩埋淺景深.
Sony A350 原本真係一個唔錯既設計.機身防震,以後加鏡頭慳翻唔小錢,又有可以反mon同唔影響對焦速度既quick live view.
可惜既係佢像素過份催谷,搞到雜訊比較多,而且連拍也被拖低至得翻每秒2幅.我會比較建議買功能一樣,但只有1000萬像素的A300.約$5190,雜訊控制同埋連拍都去翻正常應有標準.
不過有一點要留意係Sony的閃燈同步速度比較慢,只有1/160秒.在強光下由於用唔到大光圈,對閃燈火力要求比較大.
配常用鏡頭方面建議Tamron 17-50mm f2.8,Sony有機身防震,變咗大光圈,防震都有齊,十分好用.kit lens就唔建議,因為無論光學質素同做工都比較差.
但係Sony就冇平價50mm f1.8玩淺景深的,要玩起碼要買二千幾蚊既50mm f1.4
D60因為冇機身摩打,配鏡選擇小.暫時都搵唔到平鏡可以影淺景深又有自動對焦的.只有3個對焦點.其實唔係好建議,但係佢平,約$5480,如果買kit set的話有多餘錢可以玩外閃SB600,約$1590,這對室內或夜景人像又係好有用的.
總括來講,如果你諗住買鏡頭錢都好鬆動,不妨考慮D80或者450D.始終大廠鏡頭,配件支援比較充足.如果想玩其他鏡頭又冇乜錢的話,尤其係長焦距,大光圈嗰啲,Sony較好,因為佢會幫你既鏡頭增值.
但係現階段只有A350先有淨機身賣,如果唔想夾硬要埋A300支kit lens,唯有等A300有淨機身發售.
以下網頁可以睇到相機規格
http://www.dcfever.com/cameras/database.php
以下網頁有大約價錢.
http://www.ygdragon.net/
夜攝的話數碼單鏡一定唔會令你失望的,用腳架就可以好靚,就算唔好腳架,有防震幫手,加高小小iso,都勉強影到可以接受既相片的.
Iso 1600其實好夠,唔夠應該諗其他辦法例如買大圈鏡頭等,因為再高iso真係好多雜訊的,影到都唔靚.

2008-06-27 16:54:04 補充：
冇錯Tamron 17-50mm f2.8即係A16,配有機身防震既機種會好正,配Canon或者Nikon就可惜啲,冇咗防震.但係有啲人好盲塞,你叫佢買防震佢又話防唔到人地郁,冇防震又話冇防震,所以唯有兩樣都建議下.我經驗話我知有防震可以唔駛下下開大光圈,通常會有較好效果,但係涷結動作就唔掂.如果你影相但求影到,唔鐘意等啲人唔郁先影,咁大光圈會啱用啲.

2008-06-27 16:54:08 補充：
D80同450D都冇機身防震的,所有Nikon同Canon機都冇,要靠防震鏡頭.
暫時除咗4/3系統外,其他牌子都唔會同時有機身同鏡頭防震的.就算4/3系統都唔可以兩個防震一齊用,會互相低消變咗冇防震,所以要熄咗是但一個.
我建議去旺角永成或者萬成買,價錢唔算最低但貨齊同穏陣.
冇錯D80係出咗比較耐,會唔會轉頭就出D90我真係唔知,我只係跟據佢規格作比較.