識左個男仔都有幾年啦, 我對佢係有幻想, 不過佢對我總係有保留, 又無話只可以做朋友, 又無話我地會有機會, 總之就模稜兩可, 咁我諗做住朋友先都無所謂啦, 就算真係只可以做朋友, 多個朋友都好吖.
點知後來佢成日累我蝕錢, 叫我支持佢做呢樣做嗰樣, 次次都虎頭蛇尾, 我的其他朋友開始同我講話佢呃我錢, 但我見d錢又唔係落佢袋, 佢又講到自己都好慘, 唔係佢唔肯搏, 係環境唔許可... 我都唔想相信佢係呃我, 同自己講可能佢真係太天真俾人揾笨, 或者無經驗計劃得唔好啫, 衰左佢都唔想...
但一次又係咁, 兩次又係咁, 我幫左佢好多次, 次次都話最後, 我唔係開金礦, 再咁落去我真係唔掂啦! 我攤開晒俾佢睇我的環境, 我唔係有錢人, 點知佢好似無辦法接受呢個 "事實" 咁, 不停講 "你有辦法o架! 我知你得o架!", 又話 "我唔到最後都唔求你, 我係男人來的, 真係無晒辦法先揾你, 你唔好咁..." 我衰心軟, 又幫佢一次, 不過後來俾我知道佢另一個朋友(男性)環境比我好, 只不過錢俾股票綁住就無出手幫佢, 佢都仲成日話呢個朋友好支持佢, 又陪佢買衫買鞋, 而我有次放書的迷你倉因為黑雨漏水, 叫佢陪我去睇下都唔肯...
佢都底當我係咩? 真係水魚? 可能我成日擺出好後悔幫左佢的樣子, 佢最近開始對我黑口黑面, 好似我唔信佢係我唔啱咁.. 我個心好傷...
佢係唔係真的呃我? (好長..)
2008-06-26 8:37 pm
回答 (7)
2008-06-26 8:53 pm
✔ 最佳答案
純個人意見我唔可以肯定佢係咪呃您，但就算我係旁觀者我都要比你小小意見，實在怕您比佢呃到冇哂錢。
首先，如果佢當您係普通朋友佢盲唔應該向您借錢，一個好朋友，知道朋友處境已經唔好，仲向佢拎咁多錢，依個一定係個信唔過嘅朋友！
另外，佢唔當您係水魚，咁佢點解唔同其他人借而猛咁同您借？因為，佢知其他人冇您咁心軟，或者佢已經知道您鐘意佢所以同您借，佢知道您係一定唔會拒絕。
就算您成日擺出好後悔幫左佢嘅樣子都唔係好大罪，因為依家借錢嘅佢而唔係您，佢因為咁而黑口黑面，證明您已經寵壞左佢，就如喺米袋入面嘅老鼠一樣，你每日比佢幾粒，佢就食完就去其他地方搵食，如果您將佢放喺米袋入面，每日隨手就搵到食，咁難道佢仲會去其他地方嗎？
另外，就如您收養左一隻流浪貓，你日日都比佢野食，某一日忽然唔記得左比，佢就一嬲起上嚟，猛咬您，依啲貓，值得可憐嗎？當日如果唔係您，佢早就餓死街頭，係您救左佢，但佢反而因為您一次唔救佢，佢就反咬您，依種人，會值得愛嗎？
我只是提出我自己認為嘅意見，您可以唔理，不過，只希望您可以諗下。
2008-06-27 9:27 am
唔好再信佢,叫佢立即還錢,同埋準備報警
同屋企人商量,唔好再對佢發夢
呢個世界係好人先會俾人呃
呢個世界亦都只有D衰人先會話好人係蠢
妳唔好俾人用感情再呃到妳
好既男仔係絕絕對對唔會同妳借錢咖
如果一個男仔係問妳借錢妳就足以懷疑佢唔係真心
同屋企人商量,唔好再對佢發夢
呢個世界係好人先會俾人呃
呢個世界亦都只有D衰人先會話好人係蠢
妳唔好俾人用感情再呃到妳
好既男仔係絕絕對對唔會同妳借錢咖
如果一個男仔係問妳借錢妳就足以懷疑佢唔係真心
2008-06-27 1:47 am
你咁好人(亦可以話係蠢), 唔呃你呃邊個。
好明顯你對佢有好感, 甚至鐘意佢啦, 否則點會願意比錢佢吖。
小姐, 醒啦! 佢唔扮慘, 你點會幫佢, 你點會信佢。唔好話佢鐘唔鐘意你, 而我覺得佢根本當你係水魚, 朋友點會咁架! 佢話D錢佢冇份, 你又知? 你又咁信佢, 除咗你係真係蠢, 就只有你好鐘意佢, 盲咗, 佢講咩你就信。
叫你買野, 可能佢有commission分, 可能係佢朋友開, 投資呀, 入會呀, 佢可能係member, 抽佣, 咪有錢落袋囉! 呃人既方法層出不窮, 唔好話朋友, 親人都係咁呃啦, 醒下啦!
好明顯你對佢有好感, 甚至鐘意佢啦, 否則點會願意比錢佢吖。
小姐, 醒啦! 佢唔扮慘, 你點會幫佢, 你點會信佢。唔好話佢鐘唔鐘意你, 而我覺得佢根本當你係水魚, 朋友點會咁架! 佢話D錢佢冇份, 你又知? 你又咁信佢, 除咗你係真係蠢, 就只有你好鐘意佢, 盲咗, 佢講咩你就信。
叫你買野, 可能佢有commission分, 可能係佢朋友開, 投資呀, 入會呀, 佢可能係member, 抽佣, 咪有錢落袋囉! 呃人既方法層出不窮, 唔好話朋友, 親人都係咁呃啦, 醒下啦!
2008-06-27 12:19 am
我之前識一個男人都好似你講o個個男人咁, 識佢大約幾個月到, 佢就問你借錢, 我知佢做乜野工作, 收入都有二萬幾, 但又要供樓又要供車, 所以佢話佢無乜錢交稅, 跟住就問我借錢交稅, 又話一定會比返我, 個時我都有信佢, 可能佢知我鐘意佢就同我拍拖, 之後佢又話要換車, 好需要即日過錢比佢, 跟住又信多佢一次, 好彩我真係見到架車出現, 不過我都係坐過大約十幾次到, 跟住又話想換車, 又問我借錢, 跟住我唔借比佢, 佢又講咗D說話好似你所寫o個D咁, 佢又係有個fd(男性), 又好似你寫o個個咁, 之前又係有股票綁住, 但人地又買到層樓, 但佢又唔問佢個fd借, 我當時都有諗過佢係唔係當我水魚先同我一齊, 雖然佢又再問我借錢, 但我唔借, 跟住就玩失蹤同我分咗手喇, 之後因為我想攞返錢, 所以keep住做朋友, 但好可惜, 每次我問佢既時候, 佢又話無錢, 成日有借口, 又話唔得閒出嚟好多野做, 又話無錢, 不過到而家我無再問佢, 因為佢係有心走數既, 就一定唔會見我, 所以我當自己唔好彩俾人揾笨囉.
2008-06-27 12:04 am
我份人講野好宜接, 佢一定係當你水魚!!!
睇返你以上事件, 佢係就係無直接袋喲錢, 但呢喲老千作風, 警訊都有講過啦, ( 買呢樣, 投資嗰樣, 入呢個會, 入嗰個會) - 其實係入佢個會囉........
佢如果對你有意思, 就肯定唔會搵你笨啦, 唔怕你唔理佢咩, 呢喲朋友, 早走早行, 唔係一間叫你走去做佢擔保仲死, 仲黑你面??? 叫佢返屋企啦, 軟飯王咁!
睇返你以上事件, 佢係就係無直接袋喲錢, 但呢喲老千作風, 警訊都有講過啦, ( 買呢樣, 投資嗰樣, 入呢個會, 入嗰個會) - 其實係入佢個會囉........
佢如果對你有意思, 就肯定唔會搵你笨啦, 唔怕你唔理佢咩, 呢喲朋友, 早走早行, 唔係一間叫你走去做佢擔保仲死, 仲黑你面??? 叫佢返屋企啦, 軟飯王咁!
2008-06-26 11:25 pm
我敢肯定, 佢係呃你囉. 表面睇起上黎佢好似無呃你o的錢咁, 但實際上咪又係用你既錢黎到幫佢自己響某方面得到好處!!! 好似投資, 佢有佣收, 或要做夠quota, 或用你既錢去實習佢既自己個人既投資眼光等等. 呢o的都係唔當你係朋友, 只係覺得你份手唔懂say no, 心軟, 好心, 所以咪向你埋手囉.
雖然, 投資既野, 賺到錢都係會令你財富膨漲, 但當接連接三既失敗, 就知道叫你投資既人有料極有限. 咁你仲放心比呢o的人用你既錢去投資?? 所以, 我都覺得你自己都要負上一部份既責任.
其實都唔多點駛理佢點對其他人, 因為佢對你已經用得就用, 貪得就貪. 盡快囉番投資左既錢 (if possible), 離開呢位 "朋友" 啦!! 咪咁蠢繼續做水魚.
錢係你自己架!! 血汗黎架!!
雖然, 投資既野, 賺到錢都係會令你財富膨漲, 但當接連接三既失敗, 就知道叫你投資既人有料極有限. 咁你仲放心比呢o的人用你既錢去投資?? 所以, 我都覺得你自己都要負上一部份既責任.
其實都唔多點駛理佢點對其他人, 因為佢對你已經用得就用, 貪得就貪. 盡快囉番投資左既錢 (if possible), 離開呢位 "朋友" 啦!! 咪咁蠢繼續做水魚.
錢係你自己架!! 血汗黎架!!
參考: http://mypaper2.ttimes.com.tw/user/011222/index.html (我的思想空間)
2008-06-26 11:02 pm
我覺得妳識呢個男仔好有問題,完全覺得佢好有騙子既feel,好簡單作為一個男人點都要d面既!但係我見佢冇咩事咁仲不停問你借錢用,好似呃錢咁囉!佢會不停求你就係可能知道妳既性格衰心軟,所以佢d奸計先會成功!呢d咁有機心既人都係要小心d好喎!快d同佢畫清界線啦!
收錄日期: 2021-04-13 15:45:17
原文連結 [永久失效]:
https://hk.answers.yahoo.com/question/index?qid=20080626000051KK00896