剛剛買左隻約失爹利....有好多問題

1/ 行得走得就唔駛太驚，狗狗都唔係弱者，如見佢跛破就唔好比佢再跳。
2/ 用熱水浸，好快就得，見發起咗就得，但梗係要凍咗Ｄ先比佢食，但狗狗都三个月喇，開始比佢食乾糧，初時可一半浸一半硬比佢習慣，狗狗鍾意食乾多Ｄ，因為浸咗無咁香，對牙齒亦唔好。
3/ 如你屋企有蚤就一定要全屋滅蚤，否則一定会咬狗狗，但R痕都係狗狗指定動作，亦唔代表一定有蚤。
4/ 佢咁細，如唔太污糟可免則免，如要沖都一定要立即用風筒吹乾；一般狗狗最好二十日沖一次，因狗狗皮膚会有分泌保護皮毛，每次沖洗後都要差唔多一星期先有足夠分泌再保護皮毛，沖得太密会有皮膚病毛色都無光澤。
5/ 好長篇喎，不如你search吓以住答案，我都答過好多次！但你唔駛太擔心，唔難，只要你响佢有尿地方鋪上報紙，唔好立即清潔，下次想尿尿，聞到未会再响同一地方痌，慢慢張報紙移到適當地方....，當然耐心同獎罰分明係教養狗狗嘅必要方式。
6/ 你係講狗狗口水有無菌？打晒防疫針都有菌啦，人同狗都周身有菌，打晒針都唔代表唔会有病，只係針對有致命性疾病，等狗狗有免疫力；你全屋就算空氣都有好多菌，只要狗狗食得健康有足夠營養，唔駛咁緊張！但始終未斉針未有足夠防疫力就唔好帶佢去街。另外人同狗無乜病会互相傳染，除咗皮癬或寄生虫，所以你可放心。
7/ 食少少唔駛驚，但以後盡量避免，始終有化學成份，会有乜後果我諗連生產商都未必知，外用嘅吞落肚唔好。
8/ 你自己衡量啦，有訓狗師話咁做会令狗狗以為自己係大佬，但我十几隻狗都係咁同床瞓，都唔覺係咁，我喝一聲或啤吓佢就知自己有問題，都聽話；其實都只係愛同接受嘅一种表現，只要唔影响你就得啦，但如你覺得唔舒服就當然唔比佢咁做，始終你係主人，唔可以你去遷就佢。
9/ 梳毛、洗耳、抹吓腳仔同pat pat、抹眼屎、刷牙咁啦，牙仔可以等生咗恆齒先開始清潔，bb牙好快甩，唔駛刷，之前嘅都要做啦，同人一样，几日唔梳頭会點？雖然york 唔算多毛毛，但一但打結都好煩，日日梳吓都只係三几分鐘；洗耳都只係滴幾滴洗耳水，卒几下，用濕毛巾抹吓可能踩到屎尿腳腳。
10/ 可食對皮膚較好嘅狗糧，如羊、鴨及三文魚，蚤就要先清潔家居，再比狗狗用防蚤用品，一般寵物店或獸醫都有呢類產品，佢哋会介紹比你，你再考慮用邊种。
11/ 打一兩個唔駛太擔心，可能空氣唔好，如家人有食煙習慣就盡量响窗边，唔好影响屋內，但如持續有及有鼻水就要睇医生。
12/ 年紀咁細唔駛定期body check，人都唔駛啦！到7、8歲狗狗開始步入老年，就年年check吓，求个安心，驗血驗尿，約千幾蚊。

我都係養狗之人, 盡力答你.......

應該唔會有事. 如果有事, 你會睇得出 ka ma. 佢行路會唔同或會哀鳴 ka ma.
浸 lum 左佢就得 ka lak..... 5-10分鐘都 ok ka la. 其實好多特別 for 幼太既糧. 唔使一定要浸都得 ka. 因會細粒 D 及易消化 D ka ma.
正常 D 狗狗都會 au 下自己. 唔會咁易有虱掛.
正常每星期或頂多10日幫佢沖一次涼 lor. 最好自己沖啦. 同佢去寵物店, 又周車勞頓. 佢都唔好受啦. 而且佢仲咁細. 寵物店都好多菌 ka. 小心為上.
要有耐心. 重複又重複咁話佢聽 lor. 如果佢做我岩. 帶佢去個度讚下佢. 輕輕拍下佢個頭仔. 等佢知道自己做得岩. 之後重複咁做啦.
只要係家中保持乾淨. 佢都唔會有菌既. 咁當然, 都要帶佢去打埋第3支針啦. 之後就每年一次. 平時多留意自己對鞋底. 會唔會帶左 D 污糟野返家 lor. 同佢定期沖涼. 應該問題不大既. 去獸醫道打針時, 最好用狗袋入住佢. 因診所好多菌就真. 又有病狗. 唔好比佢係個道四圍走呀.
取好唔好啦.... 佢仲細嘛. 抵抗力會較弱 ka.
視乎你自己喜好啦. 我隻狗係可以上梳化陪我地睇電視的. 但床就一定唔得 lak.
洗耳仔唔使日日啦.... 幾日一次都得. 同埋你可睇下佢有冇污糟先洗 ka ma. 梳毛就....2-3日一次都得. 其實你梳得佢太多的話. 佢皮膚上既天然分泌會減少 ka. 咁樣對佢黎講唔係幾好 lak.
保持清楚 lor.
除非佢長時間打乞 chee....否則有時有塵都會打 ka ma. 唔使太擔心. 多留意佢有冇精神. 食唔食得... 有冇大小二便即可.
唔使....因當你定期帶佢去打針. 醫生都會 check 下佢 ka lak. 如睇下佢眼仔, 有冇爛牙, 摸下佢 D 骨.... 諸如此類.