冷氣位漏水

個人經驗認為先找冷氣師傅檢查部機的狀態，是否安裝問題？部機有冇斜水，修口的玻璃膠有冇離口而入水，一般窗口機的設計机殼同機體不是全密封的，若你部機裝於當風位置，每當遇有打風的情况，部機食正風時，雨水多小都會從隙罅湧入室內，要師傅上門了解現場環境才知真正原因，當然個師傅要夠經驗才判斷到。你部机用咗八年都差不多是時候換机，叫師傅檢查部機嘅結構，若機身嚴重銹蝕就不用嘥錢維修，裝機步驟好緊要，師傅有經驗有心機同你做係差別好大，如用料的標準，螺絲的大細，機架有冇打平水做斜水（防止打風落雨時啲水會倒流入屋），但揾個真功夫嘅好師傅又有幾人呢！希望幫到你，祝：生活愉快！（資深冷氣師傅）

2008-06-26 23:05:08 補充：
若部機一切正常就要循其它途徑找出漏水原因，有可能窗框或外牆夾口物料老化而導致滲水。請師傅檢查清楚才決定進一步工作，祝：好運！

你可以向業主或管業處談談,如果業主或管業處說不理,你只好找防水工程公司,介詔一間給你:

港龍建築保養公司外牆翻新防水膜連日本防水面漆工程 [連工包料保養期為2年起]
每平方呎由18-起

冷氣周圍沒有濕,連機底之鋁條（窗之鋁條)也沒有濕, 首先你關閉部機, 打開膠面蓋(擰鑼絲), 睇機身同底盆之間有沒有膠條封死, 如果沒有用玻璃膠封(如果需要維修時才用界刀割除), 或者用膠條/強力膠布封死, 因為大風雨強風會迫雨水從這位置吹入(尤其是當風地帶), 檢查完沒有以上問題, 最大可能係外牆滲水, 可聯絡管業處到你家檢查, 要搭棚外牆維修.
於安裝冷氣時曾換鋁窗,維修責任是誰, 閣下負責.
若是外牆窗台瓦仔滲水, 管業處負責.

我屋企個冷器機都有呢個情況，我於上個月搵人來洗冷氣機先發現係機槽位的鐵架歪了，所以的水倒流入屋內，後來洗冷氣機的師傅幫我整好個架，總數都係200蚊，所以我建議你搵人來睇咩原因先。
希望幫到你啦！