單鏡反光相機入門(20分)

18-55mm、50mm、55-200mm等數字係鏡頭焦距.有兩個數字的是變焦鏡,可以zoom,反之得一個數字的就係定焦鏡,好似你支50mm f1.8咁,唔可以zoom
簡單啲可以理解成數字越細站在同一地方就可以影到越多景物.例如影風景咁用廣角就可以影得多啲,數字越大就越可以將遠處景物影得大.例如影遠方一個人的大特寫咁,當然仲有其他特性.例如廣角鏡的桶狀變形會比較遠攝鏡多,你用你支kit lens既18mm(zoom到最wide)同埋55mm(zoom到最遠)搵張格仔紙各影一張就睇到.廣角會睇到中間漲大咗.
關於各焦距的比較可以睇以下網頁
http://www.tamron.com/lenses/learning_center/tools/focal-length-comparison.php

f/1.8、f/3.5-5.6、f/4.5-5.6係鏡頭在最廣角同最遠攝時的最大可用光圈.例如支kin lens規格係18-55mm f3.5-5.6就即係在18mm時最大可用光圈是f3.5,但在55mm時則只有f5.6.定焦鏡由於只有一個焦距,所以也只有一個數值.有啲鏡頭有恆定光圈設計,咁亦只會有一個數值.
光圈越大入光量越多,有利於增加快門速度,可以減小在低光時手震的影響或者涷結一些活動畫面,大光圈亦可以令景深變淺,增加前清後矇的效果.例如你支kit lens在50mm時光圈不夠支50mm f1.8大,所以背景會冇咁散,要留意光圈值越細反而代表光圈越大的,例如f3.5是比f5.6光圈大的.
但細光圈也有它的作用的,可以增加景深等多啲地方清楚,即係前清後清例如旅遊紀念照.又或者一啲慢快門效果好似夜晚車軌等都需要用細光圈.

調較白平衡就係配合光源等相片唔好偏色,現實生活中的光源光譜其實係唔同的,太陽光,燈泡,光管,人眼看落去會自動調節,不會偏色太多,白色的東西你仍然會知道佢就係白色,但相機搞錯白平衡就會嚴重偏色,例如在黃燈下佢可能以為張白紙就係黃色而搞到整個畫面都好黃,雖然相機也有自動白平衡,但冇人咁聰明,這時你可以自行調較翻,方法有幾種,可以用相機內的預設白平衡,例如太陽,燈泡等.有時都唔知是甚麼光源就可用白紙做標準,俾相機影一下,佢就會知咁就係白色,另外有啲相機可以直接輸入色溫數,亦可以影raw事後用軟件調較.
事實上白平衡也未必一定要較準的,有啲人就會特登用錯白平衡令相片出現一啲特別效果.例如影朝早特用燈泡白平衡搞到好藍咁增加氣氛.