選擇一個有錢人,但唔太鐘意的;還是一個窮人,而自己好鐘意呢 ? 唔該大家比d意見丫..

唔好理佢有錢無錢,做人最緊要有計劃,如果唔會量入為出,洗腳唔抹靠碌咭頂順搞掂的話,咁你好鍾意佢又點,你咁愛佢就個個月同佢還咭數咩?
如果呢個人你都唔喜歡佢,佢有錢又對你好都係無用,你對佢無感覺又點會愛佢呢?
講到底呢兩個都唔係理想人選,你唔使咁急選擇喎,唔係世界上只有呢兩個男人卦?
其實搵對象你唔好只睇對方有錢無錢咁簡單,最緊要睇對方待人處世的態度同大家性格夾唔夾至係呀!
如果真係要選擇都選愛自己多d果個啦,起碼一定對自己好d,你愛佢多d又點,佢對你可有可無的話,就要成世委屈自己遷就佢咯!

純粹個人意見

有錢嘅您又唔鐘意，但冇錢嗰個，窮又學人猛碌卡，－－我諗，第一個窮嗰個應該要淘汰吧....

假如個碌卡數唔係佢碌爆嘅，而係佢幫家人還，這是當然可以原諒的，不過，假如唔係，就...考慮一下了...

有錢嗰個對您好您唔鐘意，咁其實都冇咩辦法可以迫自己了～

我會擇有錢又愛我既,係呢個世界生存唔可以太天真.
好多女仔諗住個男人無錢唔緊要,咪两個一起捱羅.點知到佢發逹後,又有幾多個男人仲會仍不變心.見過不少男人有錢後,夜夜笙歌,左拥右抱.甚至連糟糠之妻都要離棄.唔通到嗰陣時先黎後悔當初點解要同佢捱得咁辛苦咩.你話我諗法偏激又好,現實也吧.总之女人最怕嫁錯郎.
有情真係會飲水飽咩?
個男人要有錢得黎人品好同有責任心既,唔係都要唔過架.

貧賤夫妻百事哀呀！當你哋個個月為 $$ 煩嘅時候, 就容易嗌交, 再好感情再鐘意極都會有怨言, 慢慢就有裂痕啦！

其實選配偶唔係只係有錢定窮，宜係好取決於自己感覺。你咁問法，即係你都唔知自己鐘意邊個，或自己鐘意邊類人，點幫你選﹖

除咗錢外，仲要考慮對方性格適唔商合自己，宜家你提供啲資料好難選

現實Ｄ好，唔係叫你依靠晒個有錢男友，而係就算唔靠佢都唔好要佢靠晒你，最基本唔好令自己生活更困難囉，長貧難顧！
到你如果想和另一半結婚，但又要幫佢手還錢咪有排先嫁得！選邊一個好明顯唔洗講ｌａ

有錢與無錢的分別係大唔大你就要諗
每日食快餐店都要計過
還是間中可以食些好d 野呢?
去街都只可以window shopping, 還是佢可以偶然買俾你好呢

講真, 如果係打算有將來的, 最重要係有經濟能力, 係香港最貴就係住
公屋都未必到你有得選, 到時先諗就慘了

其實, 另一個層面去睇, 搵一個愛自己的人真係好重要, 當然, 自己唔好討厭先, 愛情與麵包, 係香港唔可唔諗