女性護墊，什麼牌子比較　透氣　？

少少個人意見，其實有幾個方面你可以考慮下：

1. 從物理角度考慮，越薄既透氣性物料，透氣性就越好。所以如果以厚度嚟比，護墊一定比M巾透氣，而薄既護墊一定比厚既護墊透氣。不妨去超市、屈臣氏、萬寧做望下護墊包裝上面提供既資料先。

2. 護墊其實係一的編織成既纖維製成品，因為纖維之間有一定既空間，可以俾熱既濕氣有途徑排走，不致於過份累積而造成不適。但係每個牌子既護墊既透氣性，只有廠商手頭上先至有數據，而佢地個個都會話自已既產品係最透氣......所以，廣告之言，不可儘信，不過，買大牌子會有信心少少。

3. 其實我個人比較建議自己少少地買幾個大牌子既試下。每個人既身體狀況都唔同，生活習慣又唔同，感覺呢樣野又係好個人既，有啲細微既身體外形加上產品既設計既分別就可以引致使用上既感覺大有不同，所以與其問人，不如自己親試下，話唔埋人地話好個個牌子用係你身上感覺又唔係咁好呢。如似護舒寶咁，有人長用無事，但係有人就硬係用唔慣；另外，如果個廠商改善設計後，話唔埋以前唔好用，到依家又會用得好舒服都唔定，話唔埋架。始終呢啲係貼身野，用得舒服最緊要，試咗一隻好既牌子，就最起碼可以舒服一段好長好長既時間(除非廠商改到差咗)。

4. 如果個人分泌比較多既話，就要勤啲換，無人規定一日一塊定係二塊，更家無廠商敢講自己個產品可以捱半日定係一日，只要自己覺得唔舒就要換塊新既。其實間間廠都係差唔多，但係如果塊護墊濕咗又唔換，但係你又要旨意佢自己乾番晒，係無可能既事。如果咁都唔去換既話，塊護墊就會係咁濕淋淋咁黏住自己，咁邊個牌子幾薄既護墊都會死晒。

最緊要係搵到自己覺得合自己身形同用得舒服既牌子，一頭半個月係少不了既事情，但係與其紙上談兵不如坐言起行，買幾隻自己未用過既大牌子既試下，早日試到早日開心。

希望可以幫到你啦。

護舒寶la~
我都用緊~
幾好~