邊到有鉀粉買?!

個啲唔係鉀粉，係硝酸鉀，可以問下舊區既化工原料鋪有無，當然，本地大部份儀器行都可以買到。

硝酸鉀熔點334攝氏度，照條片咁做，慢火應該唔會爆。

不過，我個人都係奉勸一句：千----祈----唔----好----試！點解?

1. 如果你無番咁上下化學實驗技巧同知識，又對啲化學劑唔知頭唔知路，你自己係無辦法做任何既預防措施去應付製作過程中既突發意外。

2. 你想係屋企做?你屋企唔係實驗室，乜都無。

3. 你做既唔係爆竹，係煙霧彈。如果做到條片咁大個，你係條片都睇啲煙有幾多架啦，加上仲有染料，如果點著個陣風向唔對路，你就會好似啲銀行劫匪咁俾個械款箱吸到成身都係染料咁，如果整親隻眼就仲大鑊......

4. 你知網上呢啲片段係可靠架啦?佢有剪接位個波。你識晒架啦?發生啲咩事你識得處理架啦?你跟佢試，有乜事佢唔會保住你個波，如果要去差館，佢唔會幫你求情個波。

5. 唔知你有無買保險，有乜差遲，保險係唔會賠架。

所以，諗清楚先，唔好因為貪新奇刺激而令自己後悔。

希望可以幫到你啦。

絕對同意回應者的講法

小朋友,唔識死就唔好做d自己唔識的野
你死你事
你搞到人地就真係頂你個肺啦