鼠鼠同我挽緊?

A.如果鼠鼠冇好驚咁輕力咬人,多數因為手有食物or第d氣味,每次接觸鼠鼠最好先洗手,但唔好用洗手液or冇咩味既去洗手
有時則因為牙痕,倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

B.雖然唔係大力咬好似冇咩所謂咁,但唔建議任由鼠鼠咁去咬,原因如下:
1)鼠鼠好易受驚,咬咬下可能忽然用力咬
2)鼠鼠慣左咬你你都由得佢,怕鼠鼠慣左去咬人,到鼠鼠因第D原因(例如唔舒服,受驚等),咁就冇咁易發現呢D問題
3)細力咬忽然大力咬落去,本能反應就會縮手,我細個試過鼠鼠忽然咬我,我一縮,鼠鼠唔放口,點知就俾我拖趺佢落地,咁就好易整親鼠鼠

C.另外,在另一問題既評價中得知你既鼠鼠用玫瑰咪既木糠,有味既木糠係好危險既,你話味道蓋過排泄物,即係氣味較濃烈,問題就更大
有味既木糠較易令鼠鼠過敏(呼吸OR皮膚),就算而家冇事,但有危險既都唔應該用,過敏嚴重係會致命,所以希望你可考慮買過一D冇味既俾鼠鼠用,浪費一包木糠好過令鼠鼠唔舒服,睇醫生都唔止木糠既價錢
雖然可能冇左D香味會臭D,但好過鼠鼠有事呢