✔ 最佳答案
其實你弟弟去英國,LV袋可以喺英國買都係差不多,雖然LV在英國用英鎊買牌面貴啲,但英國退稅仲退得足過法國,法國一律退12% (法國TVA 19.6%,退足應退賣價的16.39%),英國LV退稅會收手續費,但退超過13% (英國VAT 17.5%,退足應退賣價的14.9%)。所以計起上來會差不多,視乎英錢兌Euro的滙價。問題係你弟弟英國係最後一站,手袋呢樣嘢皮在運送途中皺咗就唔好啦,雖知LV唔同Chanel,得個布袋,冇盒裝架。至於心理作用,LV一定要在法國買,而且是要在香榭麗舍近凱旋門的那間旗艦店買,我冇話可說。
凡非歐盟成員國居民,在歐盟成員國購物滿一定金額便可獲退稅,在買LV時,LV店員會替你填寫一份退稅表格(都不知幾熟手),退稅手續一定是在離開歐盟成員國最後一站時一併辦理,退稅時連同物件(LV袋)、護照、機票(以証明你是離開歐盟)及退稅表格交予當地海關官員蓋印,退稅表格蓋印後,便可選擇現金(英鎊、歐羅或港紙)或以入賬方式於信用咭户口收取。
(註1: 在商户填退稅表時,他們會叫你揀 cash or credit card,但其實去到海關官員蓋印時,仍可更改。
註2: 希斯魯機場等退稅時間好耐,要早啲到。)
如選擇退稅款項收現金,由於LV在法國買是用歐羅,你選擇退稅款項收英鎊會蝕水,你收歐羅,佢又會同你先將退稅款項用佢個rate轉英鎊,再轉番歐羅。機場的率貴到得人驚,點計你都會蝕水。所以如果你在法國買LV而在英國辦理退稅手續,一定是debit入 credit card,水冇蝕得咁惨。如選擇退稅款項入credit card,退稅表格經海關官員蓋印後,便可放在隨退稅表格附上的信封,然後放入機場之郵筒,郵寄往有關退稅代理公司代辦退稅,退稅款項一般兩個月內入賬,而credit card issuing bank會將外幣轉成港幣,滙率一定比你在機場攞cash划算得多。
至於填錯credit card number,你只要keep住退稅表格底單(藍色),一定追得番,唔使慄。