✔ 最佳答案
中學老師最少要有學士程度. 如果想做數學老師, 大學可以讀數學(或相關)學士學位再修讀教育文憑, 或者讀一個主修數學的教育學士. 大學數學系要求高考純數合格. 教院主修數學的小學教育學士要求AL/AS純數、應用數和數統其中一科合格.
中英文其中一科(或者全部)唔合格, 上到中六一定要重考, 否則不可應考高考. 再者, 高考語文科難度比會考深好多, 語文科合格是每間大學指定要求. 如果你連語文都唔合格, 大學根本無可能收.
IVE優先取錄已經截止報名, 候補申請於8月初截止. 不過, 候補申請者要到優先取錄揀完學位先可以選課程, 所以搶手課程會可能無位比候補申請者.
中五畢業要先讀一年副學士先修才可以讀副學士, 其入學要求要會考最少3科合格加兩科語文最少第2級. 語文唔合格一般唔收, 但有部分都會收. 不過自從揭發有院校收不合資格入讀的學生後, 這情況可能會收斂. 無論如何, 你要留意教師行業是否一定要會考語文或5科合格. 例如: 早前有社工副學士畢業生因為會考語文唔合格, 結果被人壓價數千元. 所以我始終建議語文唔合格要重考, 等自己有個好一點的出路.
雖然副學士先修課程現接受申請, 但副學士先修可以等到會考放榜先報. 有些院校會在放榜當日及之後數日有walk-in application days, 會即時接受報名及面試.
副學士學生/畢業生可以報讀各大學及院校的學士學位課程. 我有位朋友讀完hkuspace副學士(但唔知讀咩), 之後去教院讀主修音樂的教育學士學位. 不過, 供副學士畢業生升讀政府資助大學學位有限(一年有幾萬個學生讀副學士, 但大學學位只有約2000個), 所以讀完副學士唔一定全部都有大學收. 想入大學就要好好努力讀書, 爭取好成績及面試表現入大學.
你最好想一想自己最好、預料之內及最壞的成績, 及相應策略, 因為會考成績未必會如你所料. 想找學校就要看有甚麼學校提供你想讀的課程及上年收生成績. 如果想找其他課程, 你要到各院校網頁看課程資料及報名詳情, 同時亦應聽取多方意見, 因為院校網頁裡面資料一定美化過, 以吸引學生報讀. 當中你要特別留意升大學率. 如無特別寫明是哪一類型的學位, 大學學位包括: 政府資助全日制學士學位、兼讀學位、自資全日制學士課程及銜接學士學位課程. 其中第一類型課程係最難.
因為大學留給中六中七學生的學位最多, 所以如果你有能力有興趣讀的話, 我建議你讀預科升大學. 但要善用暑假時間學下英文, 因為上到預科你會無時間比你學返會考野.
另外, 單憑會考成績好難講入大學機會如何, 因為大學最要看高考成績. 不過, 教院收生成績的確比其他大學低. 教院會有「教師適向性面試」去決定學生是否適合就讀其課程. 表現不好可能不獲考慮. 如果你面試表現好, 高考語文D再加1C1D/2D都應該入到.
Poly係香港理工大學, 著明科目有工商管理、設計、服裝及紡織, 但理大無數學學士及教育學學士課程.
