有關侵蘇戰爭(德蘇戰爭)中中央集團軍、北方集團軍及南方集團軍的表現

樓主既問題要完整分析整場蘇德戰爭既戰史，同樣無辦法係度詳講，所以我一樣講大概。

侵蘇德軍梗係中央集團軍表現好啲。因為該部隊本來就係侵蘇作戰既主力，而佢既目標亦係整場戰爭既主要目標。呢個集團軍集中左全軍精銳，將領亦係全軍最好。我記得出名既部隊有第三、第七裝甲師、大德意志師等。而將領有裝甲兵之父古德林上將做第二裝甲軍團長，名將霍斯係第三裝甲軍團長，而後來既元帥摩德爾就係當時既第三裝甲師長。中央集團軍好驚人，幾個星期就由邊界推進左幾百公里，半年就已經打到去莫斯科門口，被殲紅軍起碼過百萬，我記得至少有超過十個蘇聯方面軍係被中央集團軍殲滅。

之後較好既應該係南方集團軍。南方集團軍其實由頭到尾都打得好，不過後期主要係嚴重逆境下打仗，表現當然無開頭既時候咁好。不過唔好忘記，後期南面戰線各部隊經常係數量超過5:1既劣勢下作戰，如果以史達林格勒做戰況逆轉既起點，咁樣都比德軍拖左成兩年半，可以話德軍實在係勁抽。其實小弟一向覺得南線德軍打黎打去都係靠曼斯坦一個人，最多加多個霍斯。因為曼斯坦做第十一軍團長時佢帶兵攻下克里米亞，呢樣野幫在德軍唔少，因為呢度係南線蘇軍既重鎮。之後佢又係史達林格勒之後成功擊潰蘇軍既反攻。呢樣野絕對唔野少，因為史達林格勒既失敗太巨大，係正常情況下佢對德軍士氣應該有毀滅性既打擊，但係曼斯坦仍然可以係咁既逆境之下擋住蘇軍既攻勢，佢絕對係一個超冷靜既猛將。霍斯亦功不可沒，因為後期佢手下既第四裝甲軍團係南線德軍既機動主力，尤其是係無左第六軍團之後呢個部隊更加係要擔大旗，但係佢無比蘇軍擊潰實在係難得。

2008-07-03 19:45:28 補充：
先回樓主，“元首的救火員”係摩德爾(Model)元帥，佢係一個有豐富經驗既猛將，小弟一向認為佢係德軍五虎上將之一(另外四個係古德林、曼斯坦、隆美爾同霍斯)。另外，小弟認為從軍事角度講，希特勒堅決唔打莫斯科先係最大既戰略錯誤。因為莫斯科係蘇聯所有野，包括交通、政治、文化、軍工及經濟既最大中心，攻陷莫斯科無論係實際上同心理上都極大削弱蘇聯。

2008-07-03 19:49:11 補充：
但係列寧格勒同蘇聯南方既重要性就差好遠。列寧格勒雖然大但係佢既戰略影響只限西北部，南方石油同糧食雖然重要，但遠唔夠莫斯科附近既軍工產業、交通樞紐及軍事設施緊要。而且更重要係莫斯科係一個好易集中兵力既頂尖重要目標，打佢遠比廣大既蘇聯南方易。另外小弟想問“赫爾”係邊個﹖可唔可以比佢既英文名﹖

此外, 本人同意希特勒的先南北策略，圍纖基輔蘇軍和攻陷列寧格勒比到達莫斯科重要。因為假使德軍真的集中力量中路突破，趕於冬季前到達莫斯科也不一定可以打敗蘇軍, 一來蘇軍已從西伯利亞調來大量部量; 二來攻下莫斯科蘇俄也未必投降, 反而必定繼續抵抗。反而放過基輔的蘇軍可能嚴重威脅德軍的側冀!

另外, 我又覺得彈性機動防禦比刺蝟防禦更有效, 真不明白希特勒為什麼那麼堅持自己的想法, 他是不是不想羸呀! 東線的慘敗很大程度上是希特勒所做成!

2008-07-04 12:34:33 補充：
多謝你的意見，我同意你的看法。希特勒沒有十足的把握前，就不應與蘇開戰，因為蘇俄真的是一個可怕的對手(這應歸咎於外國情報東方處)。不過，我看了一些參考書，蘇俄於1940年冬到1941年冬仍保留大量的後備部隊(還未上前綫)，我不知道是故意還是意外。所以，究竟德軍是否真的有把握將集中在莫斯科的蘇軍聚纖並佔領莫斯科還是一個未知之數。與其沒有把握攻入莫斯科，倒不如盡可能削弱蘇軍的有生力量，圍纖蘇俄的野戰軍團(只是本人見解)。

小弟所說的“赫爾”是寫錯的，應該是克萊斯特及曼陶菲爾。

最後，本人想知多一些德國的克萊斯特及俄國的范屠亭的事跡及表現。