k仔...藏毒....刑罰

佢唔好彩嘞. 啱啱月頭先有位上訴庭大法官話要大力阻嚇d人販運K仔同冰, 而將刑罰加重. 以前25克以下當藏毒, 25克以上先當販運. 而家1克以上己當販運!
根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運1克或以下的冰及K仔可以藏毒為交替, 判刑由法官決定. 1-10克判監2-4年. 10-50克判監4-6年, 50-300克判監6-9年, 300-600克判監9-12年, 600-1000克判監12-14年, 1000克以上判監14年以上.
呢個指引係每個法庭都要跟到足, 法官無得自己決定.
通常每 "包" K仔大約含有0.6克嘅K仔. 11包就即係約7克K仔, 份量唔多. 但衰在法庭剛改指引, 而且你哥哥身上有成11包K仔. 一兩包就話自用啫! 咁多包, 佢話唔係攞嚟賣, 係用嚟自用, 講都唔會有人信. 所以警方會控告佢販運.
法庭對販運7克K仔的判刑起點是2-4年監禁. 佢無前科, 如肯認罪, 應被判刑2年, 減去認罪3份1折扣, 即係16個月. 販運毒品係唔會判罰錢 / 緩刑 / 社會服務令嘅. 一定會坐監.

由於每單案件及被告人的背景及動機都不同,好難在此告訴你,法官會怎判!

在上庭前
現在要做的,就是立即尋求法律意見,找私人律師,,看看警方夠唔夠証據告你,及透過律師幫你同警方據理力爭,否則真的上了法庭就麻煩好多了.

如果無錢找私人律師的話,你仍可去各區的民政署或立法會議員辦事處,要求安排見免費律師尋求意見.

在上庭當日
為保障你的權益及可以繼續得到保釋,你應認真考慮上庭當日,委託私人律師代表你,為你據理力爭.如果無錢找私人律師的話,你在上庭那天早上,去法庭的當值律師服務辦事處,尋求當值律師代表你,為你據理力爭,而當值律師服務的收費為:400元

不要等喇,快去找律師吧!
希望你哥哥無事喇!