邊個可以幫下我丫..plZ

放手把啦.

睇你篇文, 個女仔其實初初對你係幾有意思, 又唔介意你年齡細過佢. 但係, 一拖埋隻手, 就發覺你思想都細過佢, 所以同你分左手. 但係, 其實佢仲係幾鍾意你, 所以仍然肯同你去街. 去得多, 見你仲係好鬼鍾意佢, 諗諗下就想俾多次機會你, 點知你仲儍更更, 唔為意呢次係最後一次機會. 而你既思想行為可能同第一次完全無分別, 令佢對你唔好果邊既印象更加深刻. 佢對你既感覺亦只能停留係好感但去唔到愛你既階段, 佢接受唔到你, 咪同你分手囉. 今次分手, 真係無架啦, 因為佢已經對你死左心. 佢唔俾你單獨同佢慶祝生日, 已經係一種明確既表示.

如果你真係死心不息, 我可以教你一個辦法, 但你會好難做得到. (點解? 因為如果你做得到, 就唔會有分手)

方法就係誠意. 你要先搵出佢對你印象最唔好既地方. 點解佢覺得你思想唔成熟, 邊方面唔成熟, 點解你令佢覺得無安全感. 呢樣野任何人都幫唔到你, 因為每一個女仔既心同需要都唔同. 你要自己用心諗下, 佢唔鍾意你乜野地方. 而且你呢段時間唔可以再打擾佢, 同搵佢, 一個對你死心既人, 你再刺激佢, 只會令佢對你既負面印象增加, 更難搞. 佢問你有無諗過佢想唔想, 就係咁解.

你要暫時離開佢既視線範圍, 呢段時間可能要半年或一年以上. 呢段時間, 你唯一要積極聯絡既就係佢既老死朋友. 從佢既好朋友身上打探佢既近況, 有無咩特別需要你可以幫忙解決. 咁做一來可以表達你既關心, 俾佢知道你仲係好緊張佢. 二來可以俾佢知道你既體貼, 等佢可以對你重新評估.

然後就係重點勒. 你要令自己更加成熟, 成為一個配得起佢既男人. 你係呢段不長不短既時間, 要估中佢想要D乜, 然後做到出來. 例如: 佢想你事業有成, 發奮做人, 你就話俾佢D朋友知, 你會去進修, 然後係工作上做到表現優秀, 最好係老闆睇起你, 升你職; 又或者佢想你有計劃地儲錢, 你就話俾佢D朋友知你會開個定期戶口, 然後你每個月真係儲D錢入去. 重點係你要估得中, 同你真係有去做. 然後佢會從佢既朋友口中, 慢慢體會到你已經好努咁想成為一個配得起佢既男人.

記往, 呢段時間唔好去搵佢, 你係要感動佢, 唔係去煩佢. 佢唔想你再煩佢, 你就真係唔去煩佢, 咁先係照顧佢既感受, 係成熟既表現. 如果佢見到你咁有誠意, 佢之前又真係對你有好感, 佢會俾多一段時間觀察下你的 (如果佢係呢段時間已經有第二個男朋友, 咁你只有怨自己唔好彩, 佢之前其實唔係好似你諗得咁鍾意你).

但前提係你要做到佢想你做既野. 你做得到, 先可以扭轉佢心目中對你既負面印象, 先有機會令佢再次接受番你. 但你要有心理準備, 一個已對你死心既女仔, 的確係好難拉得番的. 仲要係果段時間, 無其他男仔追佢, 你先有機會. 否則, 你只好等佢下一段情再散, 你才有機會. 但如你做得到, 而佢又未有一段新既感情, 面對一個對自己咁死心塌地既男仔, 好少會感動唔到個女仔的.

做唔做, 你自己諗.

我好似岩先回答完你問題 點解而家又見到你?????

安全感對女仔黎講的確好重要

安全感係需要慢慢營造...多數都係由行為上建立

例如...多d打比佢證明你關心佢

說話成熟點....因為女仔會中意思想成熟唔幼稚的男生

(這樣會讓女方覺得帶住個細佬出街)

閒時一個擁抱一些甜言蜜語都可以從中作出幫助啦!

這個女生可以講出佢對你唔係愛係中意

相信佢對愛情的態度都好認真...

是絕對需要慢慢了解和發展的類型

安全感同年紀係無關係嫁!
你要比佢覺得你好independent, 好有個人思想
要比佢覺得你識好多野, 佢有問題時你會幫到佢
千萬唔好好似好細個咁, 有時de下都ok... 但係千萬唔好成日!
你要識得點take care 佢
唔會樣樣野都要佢主動
好似分手咁...
你唔想既, 就要去爭取!
唔好係佢旁邊, 佢話想拖就拖
好多女仔表面上好話得事
但其實都想咩都唔諗
交哂比個男仔

你唔好亂
佢咁反覆姐係話佢放唔低
姐係話你地重有機
試下咁 (如果你對自己有信心的話)
你同佢講, "你想分手, 就分手, 我只想你開心, 唔想困住你, 你會搵到個重好既" (當然你可以講其他野, 但要講出你重鍾意佢, 好唔捨得佢)
之後第二日, (有咁早得咁早, 但又唔好整醒佢, 女仔最唔想比人見到佢頭髮亂亂個樣, 最好係佢返工之前, OR係佢朋友/同事面前)
買花, 著得令令咁, 自我介紹! 好似你地再識過咁! 比佢知道你唔係細個, 你係靠得住信得過既男人!

好似好娘咁
但係
一定OK!!

gd luck!! xxx