倉鼠怕熱嗎?

A.鼠鼠雖原居沙漠,但其實係好怕熱既,就因為咁怕熱,所以日頭熱既時候用唻訓覺,夜晚涼D先出唻活動

B.太熱時,可留意以下幾點
1)可以用風扇遠距離咁吹下鼠鼠,又或可以用散熱板(不過唔係隻隻鼠都會用),同時用少d木糠,並將鼠鼠放在陰涼處,唔好曬到鼠鼠
市面都有俾熱天用既用具,冷氣梳化or一塊板,係放d野入去再會凍既野,用完要再換芯,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...
我係會用風扇遠遠地咁吹+散熱板+少d木糠

2)同時留意水樽出水有冇問題,避免脫水同中暑(當然冬天都要留意,但夏天較緊要)

3)記住所有倉鼠都唔可以放在出面曬太陽,特別係夏天天氣熱,好易就會曬到脫水及中暑既,鼠鼠身形細小,好易曬下就脫水or中暑,比人更易有中暑既情況
脫水及中暑特徵:
a)行得好慢
b)行路趺下趺下
c)身體發抖
d)呼吸困難
e)甚至摸佢都冇反應

處理方法:
中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生

4)熱天既時候都要特別留意衛生問題
多d洗籠,一星期同鼠鼠沖一次涼,最多兩次(沖太多反而會令抵抗力下抗),唔係鼠鼠就較易患皮膚病

C.鼠鼠死左,我多數會用鼠鼠訓開既瞭望台加紙盒or紙盒裝住死去既鼠
加大量木糠在底,放上鼠屍,再加木糠及鼠糧,再用封箱膠紙封好個盒,再用袋袋好,再封住個袋,先直接掉去垃圾房or垃圾桶,最好盡快去到垃圾箱
其實就咁掉左落垃圾桶我又唔覺得好慘,對寵物好唔好,最緊要係在生既時候,掉左佢佢都唔會有傷害,如果人死左可以咁掉左就算,我都想我死左係咁處理,當然個個人睇法唔同

仲有其他既處理方法可參考以下我回答既知識,字數有限,煩請移步:
http://hk.knowledge.yahoo.com/question?qid=7008021101352