紅酒浸洋蔥可以降血壓嗎(用黄或紅色的洋葱較好,可以浸多久和可儲存多久)?

在我作答之前果 d 網友 d 答案真可謂九唔答八，問非所答。
人地問左問題，你識咪答，唔識咪唔答羅。
人地問紅酒浸洋蔥係咪可以降血壓，你地就猛教人如何降血壓，
好彩你地唔係去會考又唔係我改卷，否則聽肥佬都得啦。

開始答問題 :
紅酒浸洋蔥可以降血壓嗎 ----> 坊間傳說左好多年話好有效。
最近聽收音機有個自稱專家的人話無根據。
我就飲左好多年，飲之前無高血壓，飲之後都無高血壓，
所以唔能夠証實是否可降血壓。
但有一樣野是可以証明嘅，就係身體好左，小病痛少左好多。
究其原因，相信係洋蔥(不論係黄色或紅色)都有好多不同嘅
維生素及其他甚麼甚麼質等等，我從不深究，反正從來未
聽過食得洋蔥多會死人。
至於點解要浸紅酒呢，據我理解係，一，每天少量紅酒本身
對身體唔錯。二，紅酒係 organic, 容納溶解洋蔥內之維生素
及其他甚麼甚麼質等等(呢 d 野都係 organic), like disolve like 嘛。
注意 : 上述之 organic 並非現在流行用來欺騙消費者之有機產品那個 organic.

可以浸多久和可儲存多久 ----- > 我相信浸幾耐都唔會有問題，
你睇 d 老人家浸藥酒，好少話浸 7 日呀, 3 個月呀咁。同埋好少話
要幾耐就飲哂佢嘅。

樓上第4 位仁兄講得好，原來有好多都係九唔撘八上網下載就算。
另我有少少補充：
紅酒是用葡萄制造，而葡萄含有葡提子素對身體有益。但人體的肝臟有一種叫p450的生物催化劑，會將葡提子素排出體外，等身體不能完全吸收，而洋葱內有五羥黃酮，能抑制p450，從而替葡提子素保駕，令它可以進入血液，不會浪費。
洋葱中的五羥黃酮可以中和血糖與血脂，而令身體有益。
至於浸幾耐?可以將一支紅酒，放入洋葱，隔一晚後，然後每餐隨量
飲完支紅酒就可以(當然每天不宜飲太多，否則會變酒鬼)。

參考 顧小培著 持營保泰