問,成為鋼琴調音員要唔要個牌?

1:要唔要牌?
唔駛，完全沒有牌呢樣野。如果你識做，你可以隨時做。

2:要唔要識鋼琴?(如鋼琴等級1,2......)
都唔駛，調音同彈琴是兩回事。但因為你要分辨到 d 音準唔準，所以你的手藝要好之餘，仲要有一對靈敏既耳仔去聽。當然，熱愛鋼琴同埋識彈鋼琴會更好啦。

3:有咩課可以讀?(最好比較平&唔洗讀太長時間)
呢行係師徒制的，你要搵一個師父教你，到你學滿師既一日，你就可以自己接生意了。不過要搵師父是好難的事，因為，個師父教識左你，佢就會多一個競爭對手，咁生意可能少左，所以，如果你同個師父如果唔係有咩親戚關係，一般都唔會教你。

4:出路好唔好?
香港的鋼琴調音員大部分是freelance 的，佢地接 job 好多時都係登廣告同埋靠熟客仔，所以收入很不穩定，可以話今日唔知聽日事，好天收埋落雨柴。以我所知，收入高果班，是同 d 大琴行做開，佢地以平價定期幫 d 大琴行做，咁所以就可以有穩定的收入。要搵多 d錢？咁就要在外面接多 d job 了。

另外，其實香港有好多人彈琴的，如果你真係有興趣，又識人教你、帶你入行，你就試下啦！