我部30d入左塵 ....

當以可以自己吹走啲塵,這是個很正路的做法,亦最安全,30D亦都預咗你會咁做.入塵是經常會發生的事,下下入廠搞太麻煩.
不過就咁除咗個鏡頭吹係唔得的,因為反光鏡會遮住個sensor.你要入去set up menu,即係一個士巴拿形狀的,搵sensor cleaning,揀OK,反光鏡就會彈起,咁就會見到塊sensor.小心地用個吹氣球吹走啲塵就得.一定要好小心唔好掂到個sensor.最好用成個都係軟膠嗰隻吹氣球.過程最好在室內無咁多塵既地方進行啦.吹完之後必定要熄機放翻塊反光鏡回原位.
同埋留意最好充夠電先做,否則清潔途中冇電反光鏡突然回彈會引起意外,相機見你唔夠電亦都未必俾你做.
吹完都唔得的話最好都係入廠搞啦,其他接觸式清潔方法有一定風險.