開公司唔可以用自己名??

咁神秘 乜都冇講明...

可能係 空殼公司.

或洗黑錢公司.



被差人抓到 ,公司商業登記人, 好大獲.

一般公務員開公司會有限制，可能觸犯公務員守則，又或者係破產人士要秘撈。任何一種情況都極可能係一啲違法的勾當，所以睇唔到點解要幫佢？有一啲律師事務所可以幫人做代理人，咁你最好係叫佢搵律師做，你寧可幫佢俾律師費，因為要顧慮太多，而你亦可確定你自己嘅責任。
希望幫到你！

我勸你唔好制，通常唔用得自己名開公司就梗係要做啲唔見得光嘅嘢，一係做犯法嘢，又或者瞞住公司做秘撈諸如此類，總之唔荒好嘢啦。

如果做犯法嘢，唔使講都知會有乜後果，你隨時做咗代罪羔羊，惹上官非都未知發生乜事。

就算唔係做犯法嘢，如果間公司爭人錢唔還，債主甚至乎收數公司會上門搵你追數，因為你係公司老闆，人地唔會追你朋友。

幾好朋友都假，君子不立危牆之下，無端端惹禍上身就無謂啦。