bb 要訓住先肯飲奶, 有咩辦法呢??? 使唔使轉奶粉

hellobaby

2008-06-24 12:55 am

我bb 由三個月大開始飲安嬰兒,
唔知係咪陣味唔o岩定點...
佢之後就要訓住覺先肯飲奶, 有時飲飲下, 如果醒左,
就成枝奶唔肯飲...
請問, 有冇媽咪o既bb 都係咁呢??
佢就黎六個月, 我好唔好轉奶粉比佢試下呢? (我想轉雀巢能恩)

我擒日開始比糊仔佢食, 第一日開左一包雀巢奶米糊,
bb 就全部食晒, 但係今日一開安嬰兒奶+淨米糊,
我bb 即刻一啖都唔肯食...

各位媽咪或者醫生, 就幫幫手...謝!

回答 (1)

中恩同

2008-06-24 1:38 am

✔ 最佳答案

同我個仔一模一樣呀，佢果時都係要訓先飲奶
果時佢飲雀巢金裝能恩，不過我就冇同佢轉奶
一直到而家都係飲雀巢，因為佢大大下就冇訓住飲喇
醫生話其實佢係想啜住有d安全感，同埋我覺得
訓住飲奶都唔係一個大問題，所以都冇理到
我果時仲諗係咪淨係得佢一個係咁特別添
原來都仲有bb係咁既~

另外，食糊仔都係一樣...=.= 又係第一日就食
但係之後就唔再食喇，我都唔知點解
唔知係咪第一日食得多得濟
因為其實係應該慢慢小小比佢試下先
當佢食既話之後先再逐日逐日咁加比佢
不過之後我都冇再試喇，我開始煲粥仔比佢食
起初都係小小咁比佢，之後就慢慢開始食番喇
到而家兩歲都淨係食過一次糊仔咋

記住唔好咁緊張，每個bb都唔同架嘛
唔好用人地d bb黎比，只要佢健康咁成長就得架喇

祝bb快高長大~

參考: 自己

👍 0 👎 0