剝智慧齒, 平令正

我睇開一個牙醫係响太古城, 雖然我住九龍區, 但我很多年若d牙有唔妥, 我都會去睇佢(因為佢真係幾好), 這幾年我都被下顎的智慧齒所困擾, 由去年的下半年開始, 我食野都要就住就住, 只可用右邊牙咀嚼, 因我若用左邊牙食野, 好多時都弄到d牙好痛, 我終於响早三個月, 下定決心去拔掉這下顎的智慧齒(但我從未去過牙醫那裏剝過牙), 又怕痛, 又怕腫 (因我聽過很多人說, 剝下顎智慧齒好辛苦, 剝牙後, 臉部起碼會腫幾日)

最終, 幾經考慮, 長痛不如短痛, 我決定經這牙醫剝掉我這下顎智慧齒, 竟然事後出奇地不痛又不腫, 連止痛藥都只食過一次(但我食止痛藥, 唔係因我覺牙痛, 而是因我怕麻醉藥過後我將會痛, 我保險d, 我食定藥先), 我 d 屋企人個個都話呢個牙醫手勢好, 所以你可考慮去睇吓佢, 牙醫診所資料如下:

牙醫 : 陳 x 民

電話 : 2568 7642 (一定要預先預約)

地址 : 鰂魚涌康怡廣場康怡辦公大樓5樓502室(太古地鐵站A2出口)

佢好好人, 又好老實, 你可試試睇佢。

如果冇記錯, 我嗰次剝下顎智慧齒收費係$2,200-, 你可考慮吓 !

溫馨提示 :

1. 最好唔好搵女醫生剝智慧齒, 特別係下顎的智慧齒, 因要用好大力去剝, 而我聽過有個 friend 講, 佢試過搵個女牙醫去剝, 牙醫竟然剝剝吓唔夠力剝, 剝唔到, 真嚇人 !

2. 唔好貪平, 最緊要好, 不然, 自己辛苦呢 !
一定要搵d有口碑的男牙醫, 仲要係剝下顎智慧齒有好的口碑哦 ! 因牙醫話, 剝下顎的智慧齒比上顎智慧齒難剝啊 ! (你可再問問其他朋友, 或許佢哋都有好的牙醫介紹呢 !)

你不用担心啊 ! 我未剝之前都好驚好驚, 好擔心 ! 但依家......已剝咗三個月, 食野食得好好呀, 食硬的東西都冇問題呀 !

希望這些經驗幫到你 !

2008-06-27 16:01:48 補充：
忘記話你知, 我下顎的智慧齒都係打橫生, 所以亦都要開刀。

另外, 仲有一個牙醫响旺角你可問問, 牙醫名為 : 蘇平x , 因我都聽過兩個朋友不約而同, 都話呢個牙醫手勢好好, 不過, 我聽的個案都係補牙同剝牙, 但唔知剝下顎的智慧齒手勢點樣, 或你都可打聽一下, 電話 : 2394 3333, 2391 8963