✔ 最佳答案
Hello，你訂左機票未啊？如果仲未系中旅社訂的話，可以考慮下用大陸的機票代理，價錢應該會比中旅社更平。
因為我都試過去深圳搭飛機，可以同你分享一下：
1. 你要確認你的出發日期地點！如果是5/7出發的話，預早訂機票的話, 一定有discount，可能有5折都唔定！
我訂機票的方法系直接打電話去內地的代理公司，同佢講目的地，出發日期，回程日期，留低聯絡電話(香港的)，回鄉證NUMBER AND 姓名，咁就完成預訂了~ 訂金都唔洗俾^^ 日子一到，預早2個小時直接去到他們在寶安機場的櫃台，付款(人民幣， 出機票 … 登機^^~
P.S. 唔想俾人搵笨的話，可以自己預早CHECK左機票的價格，再打電話去預訂； 價錢會系同網頁OR航空公司SHOW出黎的一樣~
http://www.szzcjp.com/ 一間深圳代理機票的公司，你可以上網check機票的價錢，又或者系直接去航空公司的網頁check又可以! 你真系有興趣的話，我再俾訂開果間野的電話你，你自己打去訂票。
2.系香港點去深圳機場？有無D唔駛狂轉車既方法？
A) 除左你講的太子直通車之外。
B) 你可以考慮經黃崗，再轉機場直通巴-環島大陸通，一出左皇崗關口就見到,價錢好似系RMB$60 OR $70(我覺得好貴)，因為唔識路，都搭左兩次，不過佢好快，45分鐘左右就到左機場。
C) 經羅湖過關，系火車站附新搭 K568，OR 330，都系直去寶安機場的，車程大約50分鐘左右，票價RMB $20，黎緊星期六我會試下呢一個路線^^。
3.我無搭飛機既經驗架,我想知搭飛機要D咩證件架?我得香港身份證同回鄉證嗟!
如樓上所講^^ 如果系乘搭國內航班的話，回鄉證就可以了；不過身分證當然都唔少得啦，香港出境深圳時要用。
4.同埋買完機票之後有D咩手續架？要注意D咩？ 其實我都唔知要問咩好？有無人可以幫下我呀，講下D細節俾我聽!!!
BOOK左機票之後，記得再同佢確認價格，是否已經包括機場稅及附加費等等… 因為第一次去的關係，你要預鬆D時間，寧願早D去到, 預辦登機，咁就萬無一失。 可以帶定D書OR NDS, PSP…去打發候機時間^^~
5. 就中午一點開出...甘我應該幾點系太子出發呢?系太子去深圳大約要幾耐架?最穩陣係幾點去到機場呀??
你要睇班機時間，總之要預早兩個小時抵達寶安機場，如果系13:00起飛的話，你11點左右就要去到深圳的機場；即系大約9點幾就要系太子出發，太子去深圳機場，連埋侯車時間，大約要2個小時左右。太子既車系一小時一班，所以你要問清楚佢既班次，幾時開車？自己就時間。
自己去深圳的話，安全啊~ 什麼都問題不大，自己小心一點就可以，在下一個女仔，都去左3次深圳搭飛機去玩，因為價錢平過香港好多。LAST，去旅行記得要買旅遊保險，唔怕一萬，最怕萬一。有問題的話再問我啦^^ THANKS!
