大便有透明黏液

我而家廿幾歲，發現大便後用厠紙清理時，紙上都有些透明的類似
黏液物體，差不多次次都有，而且已經持續左最少半年。睇過好多次醫生，做過隱血測試，又做過電腦掃描，都無話冇咩事。之前曾經右下腹有ｄ痛，同埋脹左少少，醫生結合掃描報告睇過話可能係盲腸有少少發炎，話再觀察下。而家痛就已經無了，但係大便依然係持續有透明黏液，但我留意過大便，唔稀，又唔係特別幼，又唔係特別深色，形狀一條咁，算係正常，我又唔會話經常肚痛腹瀉，每次排便的數量亦沒有明顯減少，咁我想問下點解仲會有黏液呢？咁會唔會好唔正常？同埋近兩個月每日訓醒覺起身，都覺得個口好臭，但平日我兩日左右就有一次大便，有時有便秘，但唔多，咁口氣又會唔會同大便黏液的問題有關呢？