窗口式分體,機頭好嘈。有咩方法改善?

2008-06-23 10:03 am

本人近月裝了部兩匹既樂信窗口分體機,
當日裝後就感覺很嘈,所以搵人上嚟睇,

第一個師傅表示因為我將部機頭裝係室內所以嘈,
但佢都認為部機真係有問題,所以同我換。

第二個師傅上到嚟換機,佢話其實換左同無換一樣,
都係會嘈,我換左之後的確係無咩分別,但都叫靜小小小小。
但同時發現佢地所謂會換俾我既機頭係事前做過改裝,
唔肯定係新舊機,但可以肯定佢改裝過。

到左近日天氣熱,部機既音量好似變得好大,
大到有小小誇張,好擔心影響到左右。

唔知有無方法可以改善呢!?

又或者可唔可以搵人幫我睇睇部機係咪正常。

麻煩哂各位。

回答 (1)

tang54396

2008-06-24 8:35 am

✔ 最佳答案

你新買的樂信牌窗分機若發覺安裝後机体有嘈音，首先要打電話給代理商叫員上門檢查，若機身有問題代理商會向你交待如何處理，但關乎技術安裝的就要揾番安裝師傅去解决。你冇講明散熱機是裝在石屎台位或是做鋁架裝在窗框上，散熱機安裝在石屎台上應該冇乜震盪声音，後者的安裝可能因機頭的震動而做成下幅玻璃產生共鳴声，這都關乎師傅的安装水平同機架的取力點，解決方法可以在散熱机機脚加裝避震膠讓震動減輕。唔知你揾邊間公司同你攪，佢可以幫你換到散熱機，那麼有問題那部機他如何處置？新機一般絕小有問題，若安裝完工試機有問題師傅應第一時間代客處理，向代理或供應商講明機件故障原因，要代理維修部派員上門檢查和處理。希望幫到你！祝：生活愉快！

👍 0 👎 0