有人比隻混種芝娃娃比我領養...(20點)

1)佢話大左會比北京狗大小小...
因為是混種，所以大會幾大就好難肯定。
2)芝娃娃既性格係點??
隻隻狗仔性格唔同，好似人咁，不過芝娃娃一般來說會活潑d同埋鐘意吠d。
3)洗唔洗日日帶佢出街散步...?
當然要！所有的狗狗都要出街散步。
4)定係自己識係屋企大小便..?
大小便呢樣就要靠你教了。如果你有時間日日定時定候帶佢出街，咁佢就會街解決，如否，就要買定廁所板同尿片，教佢屋企痾。
5)養佢地痲唔痲煩...?
如果你真心愛佢，當佢係屋企一分子，就唔會嫌麻煩啦。
6)點睇佢地有冇生病?
好似人咁，唔舒服會有樣睇，唔使擔心。
7)隻狗仔依加個半月...要幾時先拎得去打針..?
一接佢返，就即刻帶佢睇獸醫，醫生會話俾你聽點做。不過要問清楚你朋友有無打過針。
8)食咩糧好d?罐頭定係一包包個d?
最好食bb乾糧，唔好俾罐頭，對皮膚唔好。
9)洗唔洗買狗屋比佢地訓?
最好買間俾佢，以防萬一。如果有需要都要困住佢一陣架。
10)係咪要買狗廁所比佢地大小便?
同第四題。
11)仲有系咪都要買狗尿片嫁..?
要啊！
12)仲有咩要必買??
沖涼液，美毛粉、耳仔清潔藥水、梳、飯盆、水盆、小食、玩具、毛巾……暫時諗到咁多。

1)芝娃娃就算係大都唔會大得去邊既!請放心

2)隻隻都唔一樣...但好多都跑得快..為食..鐘意玩,,

3)其實細狗唔洗日日都出街都得o既!因為佢係細狗..所以活動量不大"

4)係想佢識係屋企去大小便...你就要教佢嫁啦..必要時都要打佢嫁啦!

5)睇你對佢地o既熱愛程度去到邊啦~~其實我覺得唔麻煩...因為我都養緊隻混種芝娃娃...

6)可以睇下佢地個鼻哥有冇過濕or太乾...但我想話你知..佢地訓覺個鼻一定係乾嫁..所以唔洗擔心^^仲有就係...佢平時例如好鐘意玩嫁..突然靜哂..又成日訓..冇咩胃口食野就要留意下啦..尼d係病o既象徵呀!

7)最好就簡好天o既時候先去打啦!!同埋可以再大小小先去打...可以2個月以上去打都未遲...尼個月就留意下佢身體狀況啦

8)個人認為一包包果d好d...罐頭果d都唔係肉o黎o既...全部都係內臟好易食肥嫁

9)我覺得你買比佢..佢都未必訓..我識得養芝娃娃o既朋友...同我一樣都係訓床..同主人訓...因為依家佢地尼個時間條氣管係最差..所以要特別留意一下...

10)其實都係買吾買都得...依家你隻狗狗甘細個..應該好易教!
不過你覺得有需要o既都可以買嫁^^

11)唔洗嫁..唔洗買尼d野嫁..尼d都只係d商人搵錢o既藉口

12)我覺得你依家咩都唔洗買住...唔洗甘心急買一大輪野先...你等佢大定左後...你先買啦..冇咩野係必買o既!有用就要買..例如狗糧食哂就要買甘囉~~

3) 洗唔洗日日帶佢出街散步...?

好多人認為細狗唔需要運動，所以唔洗出街，其實狗同人一樣會悶，需要接觸新野，要有人同狗朋友，心理才會健康。如果你想弟時可以好開心帶狗狗週圍去，見到陌生人同狗都可以好友善同人地玩 (而唔係一見人或狗就好驚發惡想咬，以後唔敢放狗帶比佢自由行，或不敢帶佢出街，驚佢咬到其他人或狗)，咁你一定要佢打完針後，多d出街。狗狗在一歲前最易適應新事物，所有出街規矩，同人同狗玩的禮貌，去獸醫診所，坐車坐船，任何你想佢認識或適應ge野都要比佢係四至十個月大時接觸。


有個問題好重要而未提起，你或家人有冇時間陪狗狗嗎

有d狗長期獨自係屋企會做成一定心理壓力而咬爛屋企d野或隨處撒尿發皮氣，主人責怪狗狗，但其實係主人ge錯，無想清楚自己有冇時間就養。如果屋企長時間無人，到晚上九、十點先返到屋企，都無時間同佢相處，更無時間帶佢出街散步，就真係唔好養，狗狗會好唔開心而產生心理同行為問題。


7)隻狗仔依加個半月...要幾時先拎得去打針..?
三個月大打第一針
四個月大打第二針
五個月大打第三針 (獸醫會講你知洗唔洗)


5)養佢地痲唔痲煩...?

哈哈，我兩隻狗狗由三個星期開始養，雖然我都超愛狗，但都覺得好煩。一歲前一定煩，要教佢去大小便，未識去就週圍去，日日抺地，出牙會咬爛屋企d野，會咬人手，或咬電線，比張狗床佢又唔瞓，抓門要同你瞓，會成日吠，或半夜三點吠，或朝朝準時6點你未起身就吠，或有d更煩，有著攻擊陌生人的意識，每次有人走過狗主身邊，狗狗都會衝向陌生咬其腳踝，或你食野佢要食埋一份，你去d討論區到就見到好多狗主問狗狗行為問題，最重要係了解狗ge想法，學習教狗ge方法，以下link會幫到你

http://hk.knowledge.yahoo.com/question/question?qid=700805160

http://www3.discuss.com.hk/forumdisplay.php?fid=433

http://www3.discuss.com.hk/viewthread.php?tid=2045624&extra=page%3D1&page=10

http://www.mackdogtraining.hk/

http://www.dogarootraining.com/tips.html

2008-06-25 15:22:25 補充：
除了三針防疫針，仲要五個月大前打瘋狗症針、攞狗牌、打晶片，你一次過同医生講，佢會話你知次序。

1)佢話大左會比北京狗大小小...
因為混種, 大小就要睇同什麼狗混, 通常都係同小型犬, 唔會太大.

2)芝娃娃既性格係點??
隻隻唔同, 吠唔吠都係睇你點教. 我有養芝娃娃, 佢地絕對聰明, 只係我行我素, 好有性格, 唔係甘易聰人點佢做野. 佔有慾強(霸住主人). 如果混種, 性格可能更多樣化.

3)洗唔洗日日帶佢出街散步...?
唔需要. 不過, 每星期同佢出一至二次街, 對佢身心有幫助, 唔會怕陌生人同亂吠.

4)定係自己識係屋企大小便..?
只要在家放置塑膠狗廁板即可.

5)養佢地痲唔痲煩...?
唔會. 好易打理. 沖涼清潔全部自己做都得.

6)點睇佢地有冇生病?
精神, 食量, 體溫, 大便情況都係健康指標.

7)隻狗仔依加個半月...要幾時先拎得去打針..?
你同佢去獸醫到, 佢會安排.

8)食咩糧好d?罐頭定係一包包個d?
兩樣都可以, 幼犬要食高蛋白幼犬糧幫助成長. 可以去寵物用品店問佢取試食包比佢試. 肯食同食左大便OK先買.

9)洗唔洗買狗屋比佢地訓?
夏天放幅布都得(不過小心冷氣, 狗仔仲細好易冷病), 冬天要夠暖的狗床. 芝娃娃怕冷, 不過混種可能冇甘怕冷.

10)係咪要買狗廁所比佢地大小便?
係. 易處理又衛生.

11)仲有系咪都要買狗尿片嫁..?
有錢同想衛生D用尿片, 冇錢咪用報紙. 只是清理好, 都冇所謂.

12)仲有咩要必買??
所有清潔用品, 狗帶, 狗袋等等.

1)ans:如果是混種的話,也要看它是混那種狗,不冋狗種身形也不一樣,要看父母才可判斷
2)ans:芝娃娃比較八卦,愛吠,体积小但勇敢,還會保護主人,但卻屬於性格型的狗狗,不是太聰明,但如果是混種的話,智商會高些。
3)ans:除非大小便在外頭,否則不用天天出街,當然如果可以,那是最好的(記得打齊針才出去)
4)ans:基本上你要教它,它才會在家大小便,現在就可訓練,
訓練方法:在它吃完東西和剛醒時最便意,把它引導到指定地方,讓它排完才讓它走,再用狗糧作獎勵。
5)ans:養狗一定會有一定的痲煩,但不大,養前要三思,拋棄它,會是它最大的痛苦。
6ans:没有精神,食欲,嘔吐,肚疴,耳朵太熱都是生病的徵兆。
7)ans:打針的話要在二個月打第一支,所以現在必須保持衛生。
8) ans:吃天然的幼犬乾狗糧最好(要浸軟)如solid gold fromm innova artemis 都是天然的,各大寵物店有售。
9)ans: 狗屋不用,狗籠就要,幼犬好奇好動,家中有很危險地方,人不在時要放在狗籠,可以安全一點。
10) ans:你買了狗籠,就可以用狗籠底盤做廁所,不要另外買了
11)ans:不用也可以,不過每次去完,就要清洗,保持衛生,
比較煩,尿片有吸水能力,每天更換一張即可,看你喜歡。
12)ans:洗眼水,
1洗耳水,
2探熱針(不是水銀個隻),
3狗用牙膏及牙刷(不過現在還不太需要),
4狗床(先買夏天用的),
5狗用玩具(發聲公仔,膠骨....),
6狗袋(因為現在没有打齊針,所以有需要外出時,就用狗袋啦!没有必要,最好唔要出街)
7狗食盤(用不銹鋼的,胶盤遇熱會有有害物質,玻璃易碎)
8狗用沐浴露(現在太小,不要洗澡,以後兩個星期至一個月洗一次)
9梳子(短毛和長毛用的都不一樣,到寵物店問下)
10杜蟲藥(出生頭3個月,每兩星期杜蟲一次)
11防蝨及牛蜱藥(買幼犬專用的,一個月一次)
12防心絲蟲藥(四五個月時開始食,一個月定時一次,唔斷得)
13水樽(幼犬愛玩水,選吊掛式,不會弄到四周是水)
我想應該差不多了...............好累啊!!!!!!!!!!!!!!!!!!!

2008-06-23 19:24:51 補充：
6ans:没有精神,食欲,嘔吐,肚疴,耳朵太熱,鼻仔乾(剛醒時不算)都是生病的徵兆。

2008-06-26 10:59:51 補充：
打針方面,可以打六合一,七合一,八合一,甚至九合一都得,不過香港大部分係六合一同八合一,保險d可以加多支萊姆針,另外仲要係5個月時打狂犬病疫苗(呢支要好健康時打),植入微晶片,咁就有曬保障啦