孔雀魚既水質一問!!! (急!!) 15分! (仲有米奇魚)!

我發覺完來我講o既o野同樓上都幾多唔同架喎。睇你信邊個啦。
圖片參考：http://tw.yimg.com/i/tw/ugc/rte/smiley_3.gif

孔雀：
１．熱帶魚唔會要好暖o既水，保持廿四至廿六度佢地都會ｏｋ。
２．呢度要講多少少。首先鹽可殺菌同寄生蟲，亦可以刺激魚體黏液分泌，提高抵抗力。但加鹽並非必須。
有ｄ人為認為摩利、劍、孔雀、ｍｏｏｎ等卵胎生魚都係要有ｄ鹽先好，但其實呢個講法都係未有定論。唯一肯定o既，係摩利一定鍾意鹽，因為佢地本來就係住係 brackish water，即係汽水魚，同雞泡一樣！其他卵胎生魚，加鹽只係為左上述原因，但唔好日日加，因為水蒸發唔會帶走鹽份，咁會令鹽份過多。
你講o既海鹽係乜o野？基本上用粗鹽就ｏｋ，富貴ｄ可以用海水魚o個ｄo既～
３．爛尾唔係如樓上講得一個原因。
孔雀係鹼水魚，養o係水偏酸o既水草缸，經常出現「燒尾」情況。但爛尾其實係一種病，因為水質不佳而起，傳染亦快。
爛尾可以用藥，但效果好慢，因為爛左o既部份好難痊癒。我就一向會做個小手術，撈魚出o黎，用濕透棉花包住，放條尾入一個有水o既淺碟，對條尾攤開就剪左變灰色o既部份。魚鰭呢ｄ組織生得好快，配以換水、加藥，無幾耐就生返齊。
４．避免爛尾，如果係因為酸鹼度就簡單啦，孔雀要鹼，你就要令水 pH 升高，可以用珊瑚骨／砂做底床。
因果係水質問題，就要注意餵食唔好過量，唔好養太多魚，換水要加密，濾水系統要加強。
５．生仔當然係個肚大啦。另外如果見到腹部近肛明o既位值變黑（或者其他顏色），就係魚仔成熟o既象徵（黑色係魚仔眼）。
米奇：
１．大肚好明顯。生完o既雌魚比魚公個肚更扁，不時則同魚公差不多，有左時就明顯大過魚公，白色o既生殖孔（即係肛門．．．）仲會突出左。
２．卵胎生魚o既公魚o既臀鰭，演變成棒狀，作用同陽具一樣，交配時魚公會追住雌魚，從後將生殖器向上刺，將精液傳到雌魚生殖孔。多留意缸魚就一定見到。
３．雌魚生殖孔白色突出o既時候，就差唔多生得架啦。你亦會見佢多搵地方躲藏，因為生仔時動物都會想o係安全隱蔽o既地方進行。
４／５．同上面孔雀一樣。

１）
孔雀魚
水溫：22～24℃
硬度：10-30dGH
Ph值：7.0-8.5
食物：紅線蟲、水蚤及幹飼料均可。
性情：性情溫和、活潑好動

２）如果想殺菌的話，
將水溫提升後加食用鹽就得啦，
但唔駛日日都係咁做，
間唔中就夠嫁啦～

３）如果佢地爛左尾，
咁代表水既ｐｈ值過低，
低於６．５
果時就要搵方法將水既ｐｈ值提升返～
好似話有ｄ泥可以升降ｐｈ值嫁

４）點樣PREVENT佢地爛尾！？
就係要買ｐｈ計，
時刻睇住ｄ水既ｐｈ值
唔可以比佢過低ｏｒ過高囉～
低左ｏｒ高左就要搵方法升降

５）佢地如果就黎要生，
先兆會分開孔雀魚種再細分～

．白子種~眼睛呈紅色/胎斑為橙黄色
．黄化種~眼睛呈黑色/胎斑為橙黄色偏黑
．黄化種及白子種:母魚在生產期肚的形狀呈長盒狀,若細心留意可隱約看見幼魚的眼睛
．接近生產期,母魚排便量上升(部份攝食量亦會上升).
．亦會在缸內不安的上下游動
．部分母魚會待在缸底
．有縮鰭現象,細看肛門亦有明顯的凸出
．產仔前肚較寬,肥
（ＰＳ：以上純屬個人意見,僅供參考）
http://www.uwants.com/viewthread.php?tid=4527228&extra=page%3D1%26amp%3Bfilter%3D0

米奇魚
１）點睇佢地大左肚！？
只要睇下佢地個肚係咪比平時既都大好多就知嫁啦，
好簡單嫁咋～

２）
其實好多人都唔知ｄ魚幾時，
同點樣交配－－
係交配前，
佢地應該會追逐一下先嫁～

３）
大左肚咪就係先兆－－
通常有左既魚都係會沉係魚缸底嫁啦
係普遍既現象～

４）
水溫就唔好超過３０度，
至少要２２度以上，
溫水可以令佢地生快ｄ嫁好似．．．

５）
生ｂｂ既魚，
係唔駛加鹽，
加鹽係無作用－－
加鹽作用只係要殺菌，
唔係要生ｂｂ～

1.水溫大約要保持26度
2.不用加鹽,因為孔雀魚係淡水魚
3.如果佢地爛左尾，OR直頭冇左尾的話，會死亡
4.孔雀魚係無攻擊性,所以如果養其他魚,一定要養無有攻擊性魚,就不會爛尾
5.睇住條母魚個肚脤大, 紅眼既就會個肚有橙色, 黑眼就係黑色, 細心睇可以見到眼仔添~~孔雀有三個半月大就可以生bb, 見到條魚肛門突出黎, 可能會有少少血絲, 咁就差唔多生喇, 就可以用第二個缸將佢同其實魚分開養, 否則o的bb好易比o的魚食左....