Sony A350拍攝婚宴

單單買A350套裝冇錯應該在$6000蚊可以搞掂.因為Sony建議售價都係$5490,街價就算冇乜得減都應該會送記憶卡,勉強夠用.雖然支跟機鏡頭其實麻麻地,光學質素一般之餘光圈又細,緍宴場合光線暗對焦會慢小小,但大家坐定定影下合照應該都冇大問題既.肯定會比DC仔靚好多.買其他鏡頭的話一定會超出預算好多.
原本想建議買像素較小啲既A300慳翻幾百蚊,但係婚宴合照多,如果放大相的話像素多啲又確實可以睇得啲人既眼耳口鼻清楚一點.
但係其實仲有一樣好重要既配件要買,就係外置閃光燈,用A350既內閃只可直射,火力又細,效果一定差好遠.建議買翻原廠HVL-F42AM,冇錯要接近成二千蚊.會超出你預算,但呢個係影婚宴既靈魂,冇的話效果差一半.呢支已經係平嗰支,如果係我就一定會俾多小小買支再大火力既.雖然副廠有支Sigma EF-530 DG ST會平三幾百,但係副廠燈經常有輸出唔準問題,建議都係唔好博.