請問1隻手指點按兩條chord?

我諗你係講緊左手食指於 F chord 同時按第一及第二線0既問題。
我地玩結他時，用一隻手指同時按幾條弦線，係好常用亦係好普通0既技巧。

就以呢個簡化0左0既 F-major chord 為例，左手食指要同時按 1-2 線0既第一格，由於呢兩個位置好接近又係0係結他頸邊，我地只要用食指最前端0個節按落去就夠，食指0既其餘骨節可以屈曲0係結他頸下面，好似用個勾勾住結他頸咁樣。結他頸被勾實後，其餘手指就可以好容易咁按：中指按 3 線第二格；無名指按 4 線第三格。

因為呢個係簡化0左0既 F-major chord，我地係唔需要去按或彈 5-6 線，個 chord 個 root bass 係無名指按緊0個個 F 音，勾指時係彈呢個音為先。呢個 chord 只有四條弦線有效，唔多適合掃 chord 用，要掃 F chord 就要用個完整0既 bar chord。

如果用結他，你參考小提琴的握法。因為很多人的拇指都會握得比較高，所以會對其他手指造成不便。如果拇指握得低一點，就可以提高其他手指的活動空間了。

唔係好明白你講乜野 1 隻手指點按兩條 chord，
通常我地用「個」作為量詞去形容 chord，而唔係一條，
例如「 1 個 chord」「 2 個 chords」。

其實每個人彈結他既手法都唔同，
不過最簡單同一般黎講，如果我地要禁 bar chord，
通常係會用左手既食指，成條壓落去須要既 fret 同 fret 之間，
以 F major 為例，
食指一次過禁住 6 條弦，有須要可以側側地咁放食指，咁應該會更容易；
中指就放第 2 fret 既第 3 弦，
無名指就放第 3 fret 既第 5 弦，
尾指就放第 3 fret 既 4 弦。
呢個就係最多人用既手法！

不過禁 bar chord 唔係淨係靠用力，
係要靠「就位」，我諗你最好搵個老師指導一下