我隻鼠鼠點死?>_<求高人指點..10點

首先好抱歉知道你既鼠離開左,希望你唔好太難過

A.兩隻鼠一齊住,如果出現一大一細既情況,好可能已有打交or一隻蝦第隻既情況
倉鼠係獨居動物,年幼時可能冇咁快打交,但耐左就好易打交,就算唔打傷打死,就算看似關係好好,都易感到壓力,而壓力有機會誘發甩毛肚瀉等疾病,亦可能令鼠鼠唔食野,被蝦都有可能會係肥既唔俾佢去食
不過鼠鼠咁怕人,又一大一細,實在唔似好和平

B.鼠鼠死時硬,身體伸直,其實都係好普遍既死狀,一隻眼開一隻眼合都冇咩特別,而如果尾硬,則要睇返係咪死之前有尾濕既情況,尾濕有可能係肚瀉,便秘,濕尾症,呢D都係會令鼠鼠行路行得唔好咁既

分辨便泌or肚瀉:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
2)清晒個籠之後,再仔細留意佢既排泄物係咪真係少左or多左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘排泄會好困難
4)便秘有時會見到佢肛門附近會濕濕地咁既,甚至見到有便便塞住,肚瀉呢倨位都會濕,不過就唔會有便塞住
處理方法可參考以下我回答既知識:
http://hk.knowledge.yahoo.com/question?qid=7008041400254

濕尾症特徵及處理方法
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死
4)濕尾症會傳染,患病期間一定要將鼠鼠隔離,鼠鼠既用品同籠都要用小動物專用消毒劑OR牙膏清理得好,但怕打擾到鼠鼠令鼠鼠有壓力,所以3日左右洗一次籠就可以
5)濕尾症係嚴重既疾病,有D在發病24小時內就已經捱唔住,所以一定要盡快睇醫生,嚴重既疾病可考慮以下既鼠醫生:

C.另外,希望你以後可考慮一籠一鼠
其實鼠鼠最好分籠,唔同性別既話,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

1.唔舒服死ge(你話佢行路有少少問題,可能佢個肚仔唔舒服先會咁)

2.跌死ge(如果你用籠養ge手腳伸直呢個可能最大,佢爬爬下鬆手咁,用[江]ge呢個可能可以排除)

3.打交死ge(你話佢地相處好融洽,呢個可能唔大)

意見:我覺得佢應該係唔舒服死ge,因為佢一隻眼打開..另一隻合埋應該係訓教先會咁...

身有小小變細左係因為身體功能停左而縮細!