初學相機問題,請詳細回答

呢幾部都係長zoom機,又有手動曝光功能,如果你唔嫌佢地比較大部,要來學影相係唔錯的,可以多啲嘢試,唔駛好似全自動DC咁只可以開機就影.
呢四部來講我係比較建議FZ30同埋S5IS.
Sony H10冇觀景窗,在長焦距時靠睇LCD取景,相機穏定性會好差,令防手震大打折扣.另外冇熱靴,想玩外接閃燈都唔得.唔知啲網頁有冇錯,部機應該只有全手動曝光,係冇光圈先決或者快門先決的.比較唔方便.
S5800又係冇熱靴,同埋最弊係冇光學防震,對長zoom機來講係不可接受.
FZ30用了比較大的1/1.8吋CCD,其他方面例如觀景窗,光學防震,熱靴,手動半全動曝光模式都有齊,不過可惜微距方面就差啲,只有5cm最近對焦距離,冇得玩一啲比較誇張的放大效果.如果你唔介意都可以揀佢.
S5IS就真係乜都齊,連0cm微距都有埋,但係CCD就細咗小小,其實我覺得都唔會差好遠既,所以都建議.
但係呢幾部都有啲缺點的,首先就係廣角比較一般,冇咗現時流行的28mm.另外要明白長焦距拍攝對器材要求好唔同的,日光日白手持都冇問題,光線弱上腳架影下影物都OK,但低光動態就唔掂,如果諗進用來追星就多數會失望.
以下網頁有相機規格
http://www.dcview.com.tw/forums/camlist.asp
買水貨最大問題就係有事起來冇保養啦,除此之外其實係同行貨冇乜分別的.
影菲林同影數碼最大分別我諗係數碼可以即時睇到效果,而且唔駛菲林晒相錢,可以影到夠,影到啱.
而且數碼可以即時改感光度,白平衡,而菲林係要換菲林先得的.
數碼影完也方便透過互聯網分享相片

2008-06-25 21:06:58 補充：
S5IS冇得換鏡頭的,只可以加增距鏡或者廣角鏡,但會令畫質下降.如果想換鏡就要買數碼單鏡反光機.
影夜景冇問題的,但係要影得靚就一定要用腳架.