同家人相處不和,想走有咩辦法?請你幫幫我20分

我都係人地阿媽,佢地可能真係好煩,但都係關心你,你樣樣都唔比佢地知,佢地更加想知,你都知道家庭經濟有問題,仲想搬出去住,你有無唸過如果你真係搬出去住,佢地會點樣,我個女16years,我都成日鬧佢,我時時都覺得自己好煩,但無辦法,因為我係佢阿媽,不過我可以當佢係朋友,所以還ok,可能年紀相差唔大,我大佢17years,當你做左人地阿爸阿媽你就會明白.

你有幾多收入呀？ 每月俾四千屋企, 但想搬出去租屋住？ 好重皮啊！ 諗清楚好喎, 在家千日好呀！家人煩, 個個都係咁啦, 大多數都是出於關心既, 唔理你都費事出聲啦！
我有fd 自己搬開 租間套房 $2200, 係紅磡舊區, 但淨是添置床,及一些日用品,已用了2千幾... 仲要俾一個月上期, 一個月按金...
其實我呢個fd 同你差不多情況, 都係覺得家人煩到不得了, 乜到對唔到咀, 九唔嗒八, 但係佢搬走一個多月之後, 已經同我講有後悔囉！
我問點解？ 佢話..頭果一、兩個星期就好正, 好自由. 但係現在就覺得返到自己的家, 覺得無乜人氣, 又無人煮飯又無水飲, 自己d污糟衫又無人洗,全部自己做,好辛苦, 係呢段時間, 佢打個幾次電話俾呀媽, 佢呀媽話, 何必自己住,返黎有湯水飲, 我個fd即時哭了, 最後佢決定下個月搬返屋企。
你考慮清楚啦, 真人真事啊。

我唔知答你搬唔搬好！以下係我親身經歷，希望令你決定到自己搬唔搬啦。

我係一個人馬座的人，人馬座的人熱愛自由、無拘無束

我由細到大同屋企人關係都唔好，我同屋企人變差既日子比你更長，到左二零零五年六月我已經出左黎做野，短短七個月我儲了五萬元，到了二零零六年六月的時候我更是一惱下搬走(離家出走，我知你只係搬走，唔同我)之後隔多個月之後我先同家人聯絡番，打後的日子，我間唔中都有回家食飯，雖然當我回家的時候，佢地都有講哩樣講個樣，搞到我好煩，但係佢地都係適可而止，更不時關心我，知我回家食飯又會煮我最鐘意食既餸，關係開始慢慢變好

我覺得冇一個家長希望屋企變成咁，亦唔想自己子女離開自己身邊，就算宜家關係好差都好，佢地會覺得只要你係佢身邊，你有事佢地能夠幫你睇住你，已經好足夠，金錢個度你真的要計算清楚先，希望你可以三思啦

相處容易同住難
講真 如果要搬出去住 對你地緊張關係會鬆緩好多
經濟狀況 好多細房都有一兩千蚊租
看你自己是否可以接受到
如果是我 我寧願搬出去 大家冷靜一排
再這樣下去 你分分鐘都爆發
關係會好危險
或是可以 但親朋好友屋企借住一排
自己也趁這個時候 好好冷靜

你! 係咪真係要搬出去! 感激解答我既朋友!! 家庭經濟問題!
一個月要俾4千蚊屋企! 無辦法負擔!!