什麼係Live view

Live view既意思就即係好似輕便DC咁用LCD取景,因為傳統單鏡反光機係只可以用光學觀景窗取景的,光學觀景窗就即係要哄個頭埋去,睇相機機身上的一個小孔取景.由於係靠光學反射影像,所以係睇得好清楚的,而且因為頭部可以貼實相機,可以靠頭部做支撐,握持相機的穏定度較高.
但係由於有好多人一開始接觸就係數碼相機,習慣咗用LCD取景,所以在DSLR加入Live view的呼聲也很高.Olmypus首先在DSLR加入Live view功能,其他廠商跟住也加入,但初期除咗Olmypus做得比較好之外,其他廠商的實用性唔大,對焦非常慢,又要將反光鏡反來反去,變咗只適合拍攝一些靜態題材.
Sony最近出的A350同A300就做得比較好.佢唔係用主感光完件做Live view,而係用另外一枚較小的感光完件專責做Live view,所以對焦速度跟用觀景窗一樣快,反光鏡也不用反來反去.而且機身的LCD mon可以反出取景,有利高或低角度取景.
不過Live view也有佢缺點,沒有了頭部的支撐,相機受手震的影響較大,安全快門要適量提高.而且LCD mon解像度不夠光學觀景窗高,只適合取景用,很難做精度要求比較高的手動對焦,有些機種可以放大來做手動對焦,但方便程度始終較觀景窗低.