溝女問題，請再給我多點意見。

朋友, 你的溝女問題, 還真是很有點......過癮.

其實, 你知唔知溝女點解? 俗D咁講, 其實係同女仔發生短暫既性行為咁解. 不過, 睇你篇文, 你似乎想搵個終生伴侶多D喎! 仲有, 你知否叫人老姑婆, 對女仔係一種言語上既侮辱. 如果你係想搵個正經女仔, 第一樣野就係咪成日同人講我想溝你, 話晒你都叫讀過碩士, 講野斯文D, 女仔對你既印象都好D.

睇你既背景, 除左住公屋 (因為香港生活艱難, 出黎做野既女仔大部份都幾實際)同唔識點同女仔溝通之外, 你都算係一個受過高等教育既正經男仔. 無不良啫好, 又唔口花, 又搵到D錢, 又有計劃, 男仔好似你咁, 都算幾好啦, 唔駛諗到自己太差. (個樣唔錯已經好好, 太靚仔, 女仔會覺得你無安全感)

不過, 你既談吐就真係要好好改下啦. 一個人既談吐代表佢內在既修養. 除左爛女, 無咩人會想同一個講野非常粗俗既男人過人世. 有禮貌, 有風度, 同談吐斯文既男人, 係最受女仔歡迎的.

娛樂唔一定要錢. 鍾意睇書聽音樂係唔駛錢既, 鍾意跑步都係唔駛錢既! 唔係個個女仔拍拖都鍾意花巧, 思想成熟亦唔會只能吸引到32歲以上既女性 (女仔早熟, 可能25歲諗野已經似30歲就真). 再加上, 咪以為佢地無乜選擇就一定會揀你, 佢地可以揀獨身的. 反過來講, 無得揀先揀你, 即係當你係大後備, 揀左你都唔慌會對你好, 咪儍啦!

仲有, 你咪以為而家大陸D女仔仲係好似十幾二十年前咁, 窮到一見到香港既男仔就會飛撲過去咩. 佢地依家分分鐘仲多錢過你, 而且大陸女仔可能仲勢利過香港女仔, 依家大陸男多女少, 你唔係好有錢, 又只係住公屋, 可能真係搵鬼啋你!

要識女仔, 仲係正經同好果隻, 你可以試下以下方法:

1) 培養一下自己各方面既嗜好. 任何人係呢個世界生活左廿幾年, 點都會有D方面既瞭解係比一般人深入的. 運動(如游水打波)又好, 嗜好(就算係集郵, 養竉物, 甚至打機, 又或者比較冷門如砌圖, 砌模型)又好(不過唔好只係男仔鍾意果D, 例如睇波), 某方面既知識(如紅酒, 花卉, 世界經濟, 文化) 又好. 你有某方面叻過個女仔, 佢先有仰慕你, 對你發生興趣既地方, 你又先可以將話題打開, 同埋搵D同你志趣相投既女仔.

2) 既然你真係有D錢, 買番間私人樓啦, 咁你先可以吸引到D有學歷, 搵到D錢, 同高質素既女仔對你產生興趣. 好女仔一定唔貪錢, 但好女仔都想日後嫁左, 可以有一個相對好D既生活環境. 一個行年28, 條件唔錯既女仔仲係獨身, 一係剛同男朋友分左手, 一係心頭高. 無論係邊樣, 一個29歲仲住係公屋既男人, 同其他男人拍埋又真係輸蝕左D.

3) 唔識表達自已唔算係一個好大既問題. 但係培養一下自己既嗜好就真係有D需要. 一個人係世界生活左廿幾三十年, 總應該有一D野係比一般人瞭解得比較深入的. 例如某一種運動叻, 對某D知識比較瞭解, 又或者有一D嗜好. 呢D野可以令女仔對你產生興趣, 甚至仰慕, 同埋幫你同對方打開話匣子. 如果你平時除左工作, 食同訓, 其他乜都唔識, 個女仔同你一齊果陣做乜好? 唔通只係同你眼望我眼過一日?

4) 其實, 女仔揀你, 最大既原因係你可唔可以夾到佢同埋可唔可以俾到安全感佢, 令佢覺得可以安心嫁俾你. 日後生活唔會仲衰過未嫁之前. 咩叫夾? 如果你係夜鬼, 佢鍾意早睡早起, 咁你地就一定唔夾. 咩叫安全感呢? 係佢陷入低潮時, 你會唔會可以係佢身邊支持佢? 佢有困難既時候, 你可唔可以幫佢一把? 佢平時鍾意乜野, 唔鍾意乜野? 你會唔會留意到? 同你一齊, 佢可唔可以感到輕鬆舒服而唔係充滿壓力? 平時生活上, 你同佢可唔可以做到互相尊重? 互相包容? 老實講, 個性內向, 唔識溝通唔算係大問題. 你內向, 咪搵個外向, 鍾意講野既女仔, 等佢成日講, 你係道聽咪得囉! 反而你有無心去關心佢, 先至重要. 俗語話, 講就天下無敵, 做就有心無力. 如果你係咁, 個個女仔都會對你避之則吉啦!

5) 有左嗜好, 先可以搵到新朋友. 學打波, 去參加訓練班可以識到人. 學煮野食 (男仔識煮野食其實都幾殺食), 可以識到人, 去進修 (好似學跳舞)都可以識到人. 邊駛返大陸咁娘炳 (HAHAHA, 俗左少少). 做呢D野, 有共同嗜好, 自然有野講, 慢慢咪可以有機會發展囉! 仲有呀, 咪剩係揀D多女仔讀既班呀! 揀D你唔鍾意既野黎讀, 邊有興趣同人傾偈呀! 揀D自己鍾意既, 既可培養一種興趣, 就算只係識到男性朋友, 咪等遲D再去識佢地既女性朋友囉!

祝你好運啦!

OK情緣　－　超過1000個男女會員等緊您結識！
各地人士，任何年齡，免費入會

我們是一群持有碩士學位，並對男女心理學有豐富知識的人士．
憑十多年大型宴會及活動籌辦經驗，精心設計不同的活動，加上熱誠服務，為您帶來無限驚喜!

歡迎單身男女加入，參加我們不同的聚會．結識異性．
已婚人仕想擴闊生活圈子，來交朋結友，亦無任歡迎．

我們已核實所有本會 VIP會員填寫的個人資料．
我們有專為 VIP會員而設活動，保證您找到您覺得真正ok的人!

想了解活動詳情，或想成為普通/VIP會員，請看本會網頁http://www.0match1.com
或電(852)6886 9468登記！

２８歲以下仲要大學畢業？我有咁既資格都唔會受你溝啦！！你出來做了幾多年工作經驗？工作經驗多，人才會成熟。成熟的男人才會令女人有安全感，至於你是否成熟，是你身邊的人說的，而不是你自己說的。

我丈夫都是少說話的人，但做人不是光說的，而是要行動。你有沒有跟別人交換手機號碼？有沒有約人出來吃飯？（吃飯好過唱Ｋ，因為唱Ｋ根本不能聊天）

你的確要改變下你沉悶的性格!!
想有一個後生d又有學識既女朋友,的確有d技巧
大學生吧,,不要過份花言巧語,偶爾弄一些小驚喜
讓對方覺得你不花心和有情趣
廿幾歲最適合拍拖,情花比較成熟既時期
你28歲了,青春時間有限,你要清楚對方的內心世界,
拍拖時期才可以耐一些,,要遷就對方,但不要過份忍讓
你還是要給對方清楚一下你的內心

點解識女朋友 要定下 規矩, under 28 and 大學畢業 ?

愛情係咁既咩 ?

28 up 就不能令你愛上 ?
沒有大學畢業 就 代表 沒有足夠知識 ?

你似 見工 多 過 找愛情囉 =.=

我朋友沒有入讀大學, 但朋友都認為他學術知識豐富。
朋友今年 27, 愛上一位36歲的女孩, 幸福快樂得令人羨慕不已。

你想清楚 你想找 愛, 還是 找 位 partner ??