[ 勁急 ] 倉鼠 bb 既媽媽有d問題 !!!

樓上網友timtim987654321講既野唔係咁同意,希望網友唔好介意及可以留意一下:
1)唔可以將未戒奶既鼠b同鼠媽分開,因為鼠b要依賴鼠媽既奶先可以成長,仲要鼠媽既教導同幫助清理排泄物,如果分開佢地,鼠b就一定會死
分開過既話,就算之後放返一齊,鼠媽好易會唔理鼠b or食鼠b,所以一定唔可以分開佢地
2)其實真係要怕鼠b哽死,所以要在鼠b 大約12日大左右,出唻搵野食之前要將糧整碎,唔係就易哽死鼠b

A.鼠媽不斷玩轉既話,反映出鼠媽心情緊張,如果可以在鼠媽唔知既情況下,可以將轉輪拆走,但如果唔能夠唔俾鼠媽知既話,就要諗真D先好,因為鼠媽生B之後情緒不定,如果打擾到佢既話,都會易唔理鼠B同食鼠B
其實鼠B咁都未必有事既,最怕係鼠媽唔想理鼠B先咁放鼠B,如果鼠媽,唔想理,真係做咩都冇咩用,唔打擾佢已經係最幫到手

唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

B.,鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

C.另外,其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

唔駛驚架,
我果隻都係咁,依家bb都廿幾日喇,
除咗擺上個轉輪度,個媽咪仲成日將d bb四圍擺,
你千萬唔好掂隻 bb呀,仲有唔好分開bb同媽咪,
如果bb無奶飲會死架!除非過咗20日,
但要分開爸爸,因為爸爸有時會食bb...

p.s.我果隻都係小露寶

d倉鼠bb係咪岩岩出世定係出左世好耐?

如果出左世好耐就無咩問題 因為轉輪傷害性唔大

只係比倉鼠方便運動的設備

如果你怕有事 你可以將佢地暫時分開兩個籠 等大d先再放番一齊

不過通常都無問題既@@唔使怕ga

如果你怕佢轉死佢地 咁你又唔怕d食物梗死佢地= = 無事的,放心