夫婦婚前檢查程序

1. 檢查精液
檢查精液主要係睇精子數量、活動能力同精子多唔多畸形，咁樣可以對將來懷孕機會率多少同會唔會生BB時有缺憾，所以好緊要

1.1 過程
我以前去家計會檢查，佢地會預先比一個樽你拎返屋企存放精液，但精液存留時間只有數小時(忘記了，可能大約4小時或更短)，然後就要交比佢地。而我就o係家計會廁所攪掂，然後就交返比佢，因為我驚o係屋企做的話，萬一塞車，過o左時間，咁就檢查唔到！

2. 醫生是怎樣量度男性的陰莖和睪丸
我係十幾年前檢查o既，當時家計會係女醫生多過男醫生(只有一位)，冇得揀，遇到男醫生就男醫生，女醫生就女醫生，我當時就係女醫生，但唔需要怕尷尬，因為佢地係醫生，唔係想「抽水」，當時我訓o係度，唔係太清楚佢地點檢查陰莖，不過我諗佢地主要唔係要檢查陰莖，而係睪丸，佢地會用手摸，睇下睪丸發育情況正唔正常

3. 如果醫生摸我時，我有興奮和反應，咁會否尷尬
如果真係有反應，都會尷尬。不過檢查過程好快，大概20秒左右，唔好想得太多，咁就唔會有反應

p.s. 只要心情放鬆，大方 d ，唔好妞妞妮妮就得o架啦！