2823 (A50) , 820 (龍翔), 二選一, 揀邊隻 ?

2823 (A50) 與820 (龍翔)均是以股票方式包裝的基金．其優點是有分散投資的效益．而當中的分別是(A50)所持有的全是國內的股票，而(龍翔)則是Ａ，Ｈ皆持．
大市在2008-05-06由26,262.13 點開始反覆向下，

圖片參考：http://us.f6.yahoofs.com/hkblog/5qz_JqeBAw4BYkYVvoEvvw--_1/blog/20080621073833438.jpg.jpg?ib_____DgSiYGhaL

圖中可見，2823 (A50)在三個月內比820 (龍翔)跌得更入肉！
搏反彈，自然是2823 (A50)更為優勝．
但要小心入貨位，以免反彈不成，變成坐艇．
：）

http://www.ishares.com.hk/ishareshk-cgi-bin/cfunds.pl
以上是a50中國基金的資產淨值，以a股星期五收市後計算是13.75元資產淨值。相對現時的造價是溢價8.07%，上次4-5月就是因為溢價有超過5%，所以820和2823都見頂，你要買2823同820首先要識睇上海a股指數同成日睇a股既股票特性係點，一般散戶根本唔會睇，一見到2823或者820升好多便想買，一跌一點就更想買，我一年半以來只是買了一次a50中國基金，便是在上次2990點所謂鐵底的時候，本來3300點，我跟爸爸說會跌至3000點，佢話邊有可能，更說如果低過3000點，佢會買2823，後來聽佢意願係又想買165，咁2823同165最終佢選了2823，在下午開市均價17.26元買入了4000股，之後果晚咁好彩又話減印花稅，都唔知第二日會狂升，根據過往a股一浪低一浪的經驗，每次有大急升，成千隻漲停板既時候，呢次反彈浪就係近尾聲，結果第二日升到最高19.1，我就急住在18.8賣出全部2823，邊個知道會有咁多女人話買a50中國基金咩，之後睇多半個月股價較資產淨值有5-8%的溢價，心諗班友仔今次又坐艇，點解上次四月我會估3000點係底，因為上海a股每次跌穿了低位再下跌約15%便是有一次反彈浪，3400點跌穿後下跌15%計算得出是3000點，所以今次跌穿2990點，我會用這個比率計算，大約是2541點，如果真的到我會不問價即入。至於呢個星期既反彈，又係成千隻漲停板，但係造唔到一個v型反彈，重要係星期四公佈加成品油這消息穩住當晚的美國股市和明天a股開市要高開，結果星期五當天升大幅收減，重要曾經穿過前低位，所以我擔心五至十天內會再穿多次低位，直接下試至2550點，如果以我的推斷，此時根本不應該購買中國基金，上星期我的朋友便急於在16.7元買了2823，結果做了蟹，佢話有錢賺先通知佢，唔止蝕，所以冇叫佢止蝕。820呢隻中國翔龍基金，透明度不足，又唔係成日公佈資產淨值同買咩股票，如果話龍頭股例如萬科000002、鞍鋼000898、中國神華601088、中國平安601318、中石油601857、在這一個月之內也下跌超過15%，最多可達20-25%，佢5月底公佈的資產淨值為9.54元，在5月30日的上證指數為3433點，直至現時下跌了約21%，即預計5月底資產值9.54元下跌20%，即7.61元，現時股價是8.11元，還是有溢價，兩者相比820最少溢價，如果一定要宜家買，我會選820。

2008-06-21 11:28:42 補充：
注意潛在風險是2550點此地的救市措施可能已經係星期四當晚提早推出，一但真的到2550點未必即時再有救市的措施出現。

揀龍翔,個人覺得佢會反彈