想問女家派貼，除左俾餅卡外..仲要唔要俾埋封利是落去呀?

傳統的做法, 人地黎飲要比人情, 回番封利士叫禮尚往來(象徵式10蚊或廿蚊) , 男家女家都要做的, 有D人選擇上到酒樓收左人情先比, 有D人怕唔記得就預先放入貼度, 尤其係而家好多鍾意聯婚,為免混亂, 都會預先放入貼度, 久而久之, 令人以為聯婚先會咁做. 其實跟番傳統, 無論係聯婚定分開擺, 都要封利士嘅.

當然女家比貼要連埋餅卡啦, 係因為禮餅係男家過大禮送黎嘅, 傳統要派比D親友, 話比佢地知要嫁女, 嫁女有餅派為之有面子, 不過而家D人貪放便, 逐漸以餅卡取代喇.

我派貼時 餅卡及利是各一封。派貼比老人家就加多一張中式餅卡，因為他們會覺得你好尊敬佢，老人家鐘意人尊重及重視的，他們做人情都會鬆手D。

我近依幾年收親個Ｄ貼都有封利是落去！都係女家派貼！我諗最好放埋封利是落去好睇Ｄ。

女家派餅卡,男家封利是!
而聯婚就兩樣都要封!