懷孕26周可以做人工流產嗎?(急問)

做左人地父母，壓力一定好大。我岩岩有左兩個幾月，而家既壓力真係越黎越大，我要到8月尾先結到婚= =!!錢又唔多，我地兩個都為左未來既日子煩惱。我覺得你男朋友未必係唔愛你，真係唔愛你又點會叫你生個bb出黎呢~?有好多男人，一知道自己個女朋友有左，二話不說就叫你落左佢，呢啲仲不負責任。你男朋友既壓力，比你唔會少，你要明白佢辛苦出去打工，返黎又會比你哦，講真丫!真係好煩架!你比時間佢啦!佢幾大?你地都唔係有計劃咁諗住生bb，你覺得佢會唔會好徬徨?你覺得佢將要為自己一家大小既生活會唔會好煩惱?你覺得佢而家既收入足唔足夠你地既將來?你覺得佢要唔要為佢日後既事業去努力膁錢?你感覺到佢既壓力嗎~?傻瓜!唔好諗埋一邊啦!!
你知道嗎~?我個朋友五個月落左個bb，係催生，bb一生出黎係紫色架，毒死個bb，仲要辛辛苦苦仲要好痛咁生一個死胎出黎，值得???bb識痛、有手仔有腳仔、有心跳，你忍心咩~?如果bb識叫，佢會叫痛架你知唔知?唔好咁對佢啦~!!四川有好多媽媽會為左自己既bb而犧牲自己，你只係為左一個男人，放棄同自己血脈相連既親生骨肉?
你要為你自己打算，個個人都唔敢肯定將來會係點，但係...唔好去做一啲令自己後悔令自己痛苦既事。你要為你自己做既野負責任，當初你無為自己打算，無做足安全措施，而家....你要為你自己既事負上責任。唔好再行錯，好好珍惜自己

超過２４週就唔可以做人工流產手術(法例規定)，你試吓揾「母親的抉擇」幫你啦

我覺得你好過分,你咁做好殘忍,
我依家懷孕21週昨天做檢查時,
已經看到她在我肚裡郁來郁去,
她已經有生存係這個世紀嘅權利,
你絕不能扼殺她的權利,
早知你仍有好多解決嘅方法,
搵社工傾傾呀.

你係真想唔要的話就好心早d落啦, 而家都成6個月啦, 個bb都已經好大個架啦,
佢而家有感覺, 仲識聽人講野tim, 點解你咁無責任感同良心, 可以咁殘忍?
幾多人想生個健健康康o既bb 都唔得, 你就咁對佢!
你自己好好想清楚啦!

不如你去家計會啦~我諗佢地會幫到你.
嗯...你應該放鬆d.唔好諗咁多.
呢加都已經6個月啦~6個月出世都可以生存到嫁啦!!


家計會服務熱線 2572-2222 (有咩問題可以同佢地傾下呀...)

其實你而家有左6個月先話唔要,落唔到架woo.你諗下,佢而家有手有腳,又識郁,你就殺左佢好冇陰功.係唔要仲咩要得到而家先話落丫.

不如生佢出黎,交比保良局,係未好d呢.

話晒都係一條生命丫.