買邊部相機好??[急]

三部相機當中，我個人推介PANASONIC FX520。其實我之前都用過很多品牌的數碼相機，包括NIKON及CANON...等等，直到我試用PANASONIC之後，我就轉用這個品牌了。我現時都擁有FX50和FX55兩部相機，所以對這個牌子都很有信心和非常熟識。
它們的相機有幾個特點，包括超清晰屏幕，中文介面簡單易用、廣角鏡頭及光學防震，唔用閃光燈都沒問題，影團體相話都無咁易，唔駛成日叫人企埋點和企後點。此外，它們的閃光燈亦超強，我試過在K房全黑的環境下都可以拍到清晰相片。加上它們的超長專用電池，去外地旅行時可以由朝早影到夜晚返酒店都得。而且，它們都使用 SD 卡，是記憶卡當中差不多最平及最普遍的卡種，將來再買卡都平點啦，對嗎？
這部PANASONIC最新推出的 FX520，功能非常強大，行貨定價約 $3590，而街價大約平 $300 左右。以下是當中一些重點推介：
1. 1010萬有效像素。
2. 可以拍攝 4:3、3:2 和 16:9 三種模式的照片。
3. 在短片方面，支援拍攝1280 x 720高清影片(30fps/15fps)及 HD 高清影像輸出，可即時在電視分享相片及短片。
4. 進階 iA 智能全自動拍攝模式，整合雙重防震，人面對焦，自動場景選擇，自動數碼修正紅眼功能，真是按個掣就能影到靚相。
5. 配備25mm超廣角5倍光學變焦LEICA DC VARIO-ELMARIT鏡頭，比傳統的28mm廣角鏡影得更加之闊，去旅行影風景最好用。
6. 自動調節光度功能的輕觸式3吋智能LCD顯示屏(23萬像素)，夠大夠靚。
7. 最新智能對比度控制功能並支援手動曝光(PSAM)，利用輕觸式屏幕調較光圏及快門，對拍攝夜景很有幫助(不過就算幾強都好，要影靚夜景，必須用腳架哦)。
8. 輕觸式自動追蹤(AF/AE)功能，就算主體移動亦能準確對焦及曝光。例如要拍坐不定的小朋友或小動物，它都能不停自動追蹤及對焦，到你睇準才按掣，真的非常方便，合晒你要的要求。
9. 有黑及灰兩種顏色。
還有是，去買機時記得所有店舖都有價講及有贈品送。我試過去中原買機，他平了二百元，更送了七八樣禮品給我，包括五十元百佳現金卷哦，所以行多幾間打打價啦！不過買時最緊要叫售貨員試試部機有無光點及死點，方法是叫他影一張全黑和全白的照片，看看當中有無不正常的黑白點，因為有些奸商認為部機有光點及死點不算損壞，所以不可以換機的哦！還有跟機附件包括：便攜袋、4GB 樂聲牌SD卡、電池充電器、鋰離子充電池、電池盒、AV線、AC電源線、USB線、手繩、軟件光碟及相機袋的，記得點清楚哦！
更多資料，請參考以下的圖片及網址：
http://www.panasonic-hk.com/av/chinese/dc/product_page.asp?f_product_category=3&f_sub_category=0&f_product_record_id=308#




圖片參考：http://www.panasonic-hk.com/av/products_img/308_fullsize.JPG

我認為呢啲細機黎講，CANON既質素就最好！佢既鏡頭靚，自動系統調較得很好，影出黎的相都好有質素。放大都無問題。

其實，宜家單鏡反光相機都有係數碼相機，一樣用memory card，唔駛入菲林。而且質素一定比細機好。但如果買呢類型的單鏡反光相機就係NIKON最好。

samsung nv24HD :-)