打針搵唔同獸醫得唔得???

屯門東x獸醫好唔掂
尋日帶我隻貓b去打針
第一步就幫貓貓登記啦
但姑娘連我貓b個名"柴仔"都唔識寫
不過我當佢執筆忘字....算數

到另一個姑娘叫我貓b
叫左幾次"樂仔"
但當時得我柴仔同另一隻狗(我聽到主人叫佢黑仔)
已經覺得好奇怪
幫佢登記果個姑娘提佢係"柴仔"唔係"樂仔"
佢先叫返岩
(真係唔明白點解會睇錯.....)

到見醫生
個醫生本身係未訓醒樣(吽吽豆豆咁)
然後咩都係姑娘(叫錯名果個)做主導
佢話做咩就做咩....醫生就"哦哦哦"
醫生做既野就係好求其咁睇下眼仔(耳仔冇check過)
同埋打針

然後我問醫生貓有咩唔食得
佢個樣直頭係呆左
跟左問非所答....
話貓罐頭就夠哂營養
我話因為罐頭有太多調味料同防腐劑
我唔會比貓貓食
咁佢就話咁又係...然後不停咁話貓糧又平又方便又唔使煩
叫我喂貓糧就算啦
唔好搞咁多野
話縱壞左隻貓唔肯食貓糧就麻煩

我心諗我只係想知貓貓有咩唔食得
同可唔可以食貓糧以外既肉類同青菜
(我知貓唔可以食貝類, 但佢唔知囉)
而佢就一味就好麻煩, 貓糧夠方便
似係唔識答就叫我餵貓糧算數

我宜家諗緊第二支針唔搵佢打
有冇問題架呢??