接新娘遊戲

記得我結婚的時候, 班姊妹有很好的預備, 諗咗都有十個八個遊戲响接新娘時口玩, 主要係要新郎哥答問題, 錯咗就要罰, 當然, d問題要有d難度或故意挑剔, 另到佢哋答錯, 先有得罰佢哋, 先有得口玩啦 ! d遊戲有d可能你都聽過(我不列明了), 其他有d我都覺得幾好, 你可作參考參考, 如:

1. 因佢哋知我老公喜歡食野, 所以預備咗一個芒果俾佢食(當然, 姊妹們一早已把芒果剝皮), 要佢唔准用手或身體任何部份食完個芒果, 只准用自己的口嚟食畢個芒果, 就係因為有難度(特別係要用個口將個芒果返轉嗰吓, 超難哦 !所以响食的過程都幾攪笑囉 !(溫馨提示：若真的口玩這遊戲, 記住口玩之前, 要預備一件類似輕便雨衣(7-11可買到)給新郎哥穿上, 以免弄污穢件禮服呀!)

2. 飲樽裝涼茶或任何飲品
姊妹們要預先預備多支飲管, 預先駁長(大約八至十支飲管), 形成一支很長很長的飲管, 然後將這特長的飲管交給新郎, 叫佢自己將支特長飲管放進那樽飲品內, 然後, 用力把其飲品吸上嚟飲, 直至d姊妹覺得 ok 為止

3. 記得嗰次都有口玩: 綁住新郎的眼, 然後俾一班姊妹的手(手面)給佢摸, 叫佢估吓邊隻手係新娘, 姊妹們故意預早搵定一個隻手又白又滑的男仔混於那班被摸的人當中, 竟然......我老公話係嗰個男仔隻手係我, 勁攪笑囉 ! (溫馨提示: 口玩這個遊戲時, 要控制唔俾d兄弟提水)

4. 口玩 採青
姊妹們預先用我和老公的名字, 作了兩對對聯, 寫在兩張長長的紅紙上(新年用毛筆寫落嗰d揮春嗰d紙), 而佢哋亦預先帶備道具如 : 舞龍舞獅的音樂、大頭佛用的道具頭、大頭佛用的扇、生菜、舞獅的頭, 口玩的時候, 叫其中一個兄弟企响張高櫈上, 呢個兄弟要手拿住生菜及對聯, 對聯當然要一隻手拎一條對聯, 而另一個兄弟要帶住大頭佛的道具頭扮大頭佛及拎住把扇拼命撥, 而新郎就要用道具扮醒獅, 當然要由大頭佛帶領下, 跳得盡量好睇, 總之好熱鬧, 好開心, 當然最後要由那醒獅拉開那兩對對聯, 然後大大聲讀出嚟啦 !

記得個次口玩到over run 哂, 但d姊妹及屋企人個個都睇得好開心, 有d姊妹仲話做咁多次姊妹, 最好口玩嗰次, 因為d 兄弟好合作, 好肯俾佢哋口玩, 我時時都覺得, 若要個氣氛夠熱鬧, 大家開心, 姊妹們要在遊戲環節上預先有好的預備, 效果會更佳, 當然, 咁可能會辛苦咗班姊妹, 但為咗俾一對新人有美好的回憶, 辛苦d都冇所謂啦!

希望這些遊戲及經驗能給你一點點的幫助 ! :-)

叫姊妹,伴娘等只伸手出來,叫新郎估誰是新娘

叫d兄弟笠絲襪la,真係好搞笑架!勁似賊