澳門 & 皇都酒店 附近有乜好玩? 就出發,急問 20點

恭喜你,揀左間鬼酒店住,祝你有個(甜美)的一晚
我作為澳門人,老實講,睇只係觀光塔,牌坊,教堂,都係戈d,一次睇完.食物方面比較好d,新馬路金輪(永亨銀行轉入去直行)豬扒飽同旦撻一定要食,再直行入去有間食豆腐花好好味(好似叫李康記),至於甚麼越南,泰國,葡國菜好5好味因人而異,本人完全無興趣.係荷蘭園(即係皇都酒店對落兩條馬路)有間老字號雪糕店,必食,手信方面甚麼老婆餅,係醒目嘅你不買也罷,香港元朗戈邊老婆餅仲好食過澳門呢d杏仁餅啊,豬肉乾啊,你要山長水遠瀝返去香港係你個人選擇,買手信梗係買特色裝飾品,可以係大三巴戈邊搵下,又或者係氹仔泉亮戈邊有間亦係有特色裝飾品出售.基本上一日已經遊完澳門.

2008-06-19 15:31:54 補充：
仲有一樣野,5好盡信旅遊雜誌,甚麼大利,誠昌,粗俗d講,專扼(水魚),我地本地人奉旨5會去食.介紹多幾間食店你間:近氹仔官也街有間叫鴻彬記牛什,荷蘭園禮記雪糕,新馬路有好多好食食店:金馬輪(頭先打錯左金輪,正確係金馬輪)餐廳;民政總處側面有:盛記粥品同長城上海菜;係議事亭前地有間叫音樂咖啡豆,d cake同咖啡好正

你好！我經常去澳門逛，講起玩就三隻眼，皇都酒店話係五星級，我都揀嚟住過，一點都唔似，這酒店在小街旁建築極無氣派，訂了便算吧。
這裡住，一出街就想跳進的士，若想步行附近，由東望洋斜巷東行，便是松山燈塔和炮台，但要行一段迂迴的路徑才會到頂處見塔的位址，年青人走路不怕吧！
若是由東望洋斜巷步向西面直去，便是澳門〔小曼谷〕，街名是荷蘭園二馬路，處處可見泰文招牌、泰國飧廳、產品中心。
隔鄰街是荷蘭園大馬路，有中央圖書館和歷史檔案室。12-12A號有間叫禮記雪糕飲冰專家，吃三色雪糕，自選味道，花生雪糕極濃花生味，紅豆雪條極多紅豆，三文治雪糕是鎮店之寶。
路尾向西南方直行就改叫水坑尾街，連駁的路有間坤記餐室，咁近酒店就巳經吃到葡國嘢，例如：炸馬加休球、葡式煎牛肝、焗牛尾、血鴨、咖喱蟹、無花果茶。
想跳進的士搭車去不懂路的地點，便介紹去必到的〔威尼斯人〕酒店坐吓船，和漁人碼頭玩機動遊戲、參觀海事博物館、及新馬路的文化會館內有金庸圖書館，平日免費，週六日5元，值得看看。朋友仔如敢去賭錢踫踫運氣嘅，有節制才去啊！金沙、新葡京、英皇、新世紀等....任擇都好玩。祝你們玩多啲景點，返嚟講去過邊處玩，暗號寫〔玩完返歸啦！〕

那 邊 都 是 體 育 館 .

就 是 信 達 廣 場 . 逛 街 、吃、附 近 就 有 些 賭 場 " 新 葡 京 "

都 是 行 街 主 要 ! 或 者 去 搭 車 走 遠 些 去 遠 D 漁 人 碼 頭

金 沙 個 邊 ! 再 吾 系 去 埋 威 尼 斯 個 頭 ，都 系 要 行 遠 D

皇 都 個 邊 沒 什 麼 玩 的 ! 都 是 上 松 山 ..



我 是 澳 門 人 !

希 望 幫 到 你 !