✔ 最佳答案
首先, 就算唔發燒, 都有其他病會令你 引致腦炎/燒壞腦/神經受傷/令病情更嚴重 咁點算??
嚴格來講, 病徵係發燒37.0-37.9度 唔算高燒. 但係個 [病因] 比病徵更為重要, 即係, 咩令你發燒先?
如果係細菌引致既呼吸道感染, 可以用抗生素打敗細菌, 加速痊癒.
如果係病毒引致, 抗生素係完全不能對付病毒, 食左等於冇食. 到頭來病情依舊, 你咪會話個醫生 [渣野] 或者係 [唔夾你], 又唔會諗下, 原來抗生素 根本唔係對症下藥, 冇效係必然既事.
至於有d醫生, 一見感冒, 不管是細菌定係病毒引起, 都照比抗生素, 理由係防止併發症. 在下就覺得呢個做法係唔好既. 因為d病人見d抗生素食左都冇效, 未食晒都自動停食, 結果造成身上其他本來有得醫既細菌, 產生抗藥性, 變成超級無敵細菌. 你同我可能自身既抵抗力好, 呢d超級細菌唔會發作, 只不過傳到長期病患者, 老人, 嬰兒身上, 就會係 [絕症], 因為咩抗生素都已經冇作用啦!!
咁, 有病毒引致既感冒要點醫? 答案係 [冇得醫], 唔係絕症死得個隻, 只不過唔係用藥來幫你好番, 係你自身既免疫系統打敗d病毒啫. 假如醫生斷症, 知道係病毒引起既感冒, 係不應該用抗生素治. 佢只會比d藥你減低病情既 辛苦程度, 即係治標, 而治本都係靠你自己.
所以, 個d化痰,止咳,退燒止痛藥, 食唔食都唔會影響病情進展, 只不過讓你好過d, 照樣番工番學行街睇戲, 而唔使困係屋企咳到上氣唔接下氣咁. 不過要注意, 高燒 [39度以上]就必須要食退燒藥啦!
我唔愛吃藥,所以唔想看醫生,
呢個在下都明白. 看醫生目的係確認一下, 係咪淨係感冒咁簡單, 會唔會其實肺炎, 或其他更嚴重必須立即治理既病? 如果確認單單係感冒, 番到屋企, 唔食d唔係抗生素既藥,都唔會病得嚴重左, 都得既啫. 點都要醫生診斷過先得!
食治標既藥, 除左令自己冇咁辛苦之外, 因為咳少左, 仲可以減少將病毒傳比家人, 同學, 朋友, 街上既途人, 車上既乘客.... 今時今日傳染病高峰期, 唔食止咳藥就唔好出街啦, 係屋企飲多d水, 訓多d好過啦.
最後, 都要提提你, 流感係有預防針既, 不過流感都有好多好多不同[型號], 例如H1N1, H5N1, H3... 每年流行既流感 [型號]不同, 即係每年都要打新既流感針. [不過如果唔好彩, 你中個隻唔係你打過針個隻, 你一樣會中招 =.=] 所以, 最保險既就係做好基本功夫, 日日作息定時, 刷牙漱口, 做好個人衛生, 多飲水, 多食新鮮蔬果, 增強抵抗力, 唔會病咁多, 咪可以食少d藥囉.
2008-06-21 17:46:48 補充：
平時見醫生都係同他說"有黃痰,(有/沒)咳,有沒有酸痛,有沒有頭痛" ==決定是否用消炎/止痛藥
個醫生又問有沒有去過外地, ==估計係禽流感定係某d型號感冒既機會率, 或者會否是登革熱等其他病
同埋給他用"耳筒"聽診 == 聽下氣管, 支氣管, 肺各部分有無雜聲[可能有發炎], 氣管收窄既唏唏聲 [可能有敏感或哮喘]
2008-06-21 17:53:05 補充：
判斷用唔用抗生素, 係由病徵加醫生既經驗決定. 在下都唔識.
平時睇醫生, 見佢地好似輕描淡寫, 只不過係佢冇話你知佢check緊你d咩, 可能有d咩問題. 唔通要佢同你講:[ 唔, 睇下你有冇肺炎定哮喘先...] 然後同你聽個肺咩? 有d病人咪誤以為自己真係有肺炎, 無端端嚇一跳... 所以, 好似見親醫生, 都係巡例檢查, 其實呢d [指定動作] 都係有必要架.
