請問我想搵既工係做落盤員/交易員,但我唔知佢既英文job title係咩.有人問嗎?

你好！其實我知道有好多朋友仔都好想做落盤員/交易員(證券/股票),我亦知道好多銀行都請緊呢個位啊！我以前嗰間同而家嗰間都請緊人！不過都請唔到！

銀行請人唔會專登話請交易員啊！係佢in你時，會問你想做d咩！因為分行做交易員名義上都係teller或者係cs！如果你响call centre做，就會以聽電話為主，以電話落order！唔使見客！你search下call centre之類嘅，應該有發現啊！

證券行就通常會講明請盤員/交易員，不過自己搵工時都要小心d！個人意見，要搵d大嘅證券行，例如中銀證券、交通證券、輝立證券、信誠證券...等等！

不過，其實如果你真係有心去做呢行，就一定要响搵工之前考左papar1, 7 and 8,咁你嘅勝算會大d！同埋一定要有心理準備，開市時段會好忙好大壓力！仲要一定一定唔可以錯！

之前都有好多網友send e-mail俾我，問我點入行！但係真係答唔晒！其實你要問下自己可唔可以work in high pressure，而家個交易系統完善左好多，不過d客真係惡左好多，一句唔埋，就話要complain！

不過，個人認為呢行發展應該會唔錯，香港係金融中心！仲有，而家法例規定，就算call centre落盤，個centre一定要設立响香港！即係d銀行/證券行唔可以响大陸開call centre！唔可以請大陸人！一定要响香港請人！所以呢行嘅人工真係相當唔錯！