✔ 最佳答案
這幾年我都被智慧齒所困擾, 因我牙的下面兩邊的智慧齒都是唔夠位生, 生歪了, 所以兩邊智慧齒牙每年都間中發炎並感到痛, 所以要去醫生那裏消炎, 我問佢咁駛唔駛剝, 佢話個位就係唔夠生, 亦會因刷牙好難刷到入面, 所以容易藏了食物於裏面, 容易發炎。
其實佢建議我左邊最好剝咗佢, 因以我的情況/病例, 右邊一年先發炎一次, 情況唔算好嚴重, 但左邊的智慧齒, 佢建議我剝咗佢, 因我由去年的下半年開始, 我食野都要就住就住, 只可用右邊牙咀嚼, 因我若用左邊牙食野, 好多時都弄到d牙好痛, 同你一樣咬唔到大舊野, 而左邊又每兩至三個月就發炎一次, 要去牙醫消炎。
我終於响早三個月, 下定決心去拔掉這下智慧齒(但我從未去過牙醫那裏剝過牙), 我又怕痛, 又怕腫(因我聽過很多人說, 脫 下智慧齒 好辛苦, 剝牙後, 臉部起碼會腫幾日), 感恩的是, 呢個牙醫手勢好好, 無論我剝牙的時候, 或剝完之後嗰幾日, 我都冇痛過, 我d屋企人都詫異地見到我完全冇腫。
以我所知, 唔係想剝就可以剝, 通常醫生係要睇吓係未適當時候, 例如夠唔夠位生, 剝唔剝到等等, 如果嗰個醫生係你睇開的, 你又信得過佢, 你可以聽住佢講先, 不然, 若你唔放心, 可再搵另一牙醫再睇睇。
提提你添, 牙醫話剝上智慧齒係容易過剝下智慧齒, 我有朋友去剝掉上智慧齒, 都係唔痛, 所以如果真係要剝, 不用擔心! 不過, 記住剝智慧齒一定要搵男醫生呀, 佢哋先夠力, 因我識個朋友, 佢比一個女醫生剝智慧齒, 佢竟然剝剝吓, 唔夠力剝, 剝唔到, 真慘 !
希望這些經驗幫到你 !