點樣練bar chord

轉 bar chord 唔夠快除0左要練習多 d 之外，重可以由 bar chord 0既按法特性0黎作出重點練習。

首先 bar chord 主要係由食指橫跨整條結他頸負責將第一至第六線按下去，中指、無名指、尾指負責按其他位置。而一般常用 bar chord 0既所謂「其他位置」都集中0係第二至第五線，重多數都係 2-3-4 線或 3-4-5 線0既組合，即係話食指實際上要負責0既多數只有 1-5-6 線或 1-2-6 線呢兩個組合，所以食指按 bar chord 時其實只要集中力度0係 1-2-5-6 線就可以 bar 到絕大部份0既 bar chord 喇！照咁睇食指按 bar chord 時唔係伸直，而係要向結他指板微曲，著力點係一頭一尾。

0係「一頭一尾」裏面，食指指頭所負責0既 5-6 線最為重要，因掃 chord 時每個小節一開始就要掃 bass 線先，而一般 bar chord 0既 root bass 都位於 5-6 線，所以成個 bar chord 最先要按到0既就係食指所負責0既 5-6 線。

要 bar chord 轉得快，第一時間就係食指按到 5-6 線，之後到其他手指0既 2-3-4-5 線多數可以容許有半拍0既延遲，最後就係食指0既 1-2 線。0係 bar chord 未純熟0既初期，要暢順轉到 bar chord，照呢個方法分開時間0黎轉都幾有效，但人地一睇你個手勢就知你係唔熟 bar chord 0既初哥。最好就梗係成個 bar chord 一次過轉啦！

你試下張自己想練果幾個bar chord連住彈....彈完第一個彈第二個之後彈第三個再轉番第一個咁(好似平時轉chord咁)...初時整體個速度就要極慢..比你練慣左先..當你覺得都接得住而又ok..咪試番快小小///同埋你要記慣d位囉..如果你連個chord都唔太記得點禁..又點會轉得到呢?

彈結他 係絕對唔能夠 無耐性 同 要求「快」！
玩樂器本身就係好須要花心機同時間既事！
幾個星期 根本唔算得係幾耐....
就算你日日同專業結他手一樣，練 8 個鐘以上，
都係唔算多！因為你係新手，唔大係大師！
練得個區區幾個星期咁少....... 唔好以為好耐！
有 d 人練半年，日日練 4, 5 個鐘先叫做禁到 bar chord！

練既方法就係盡能力彈得多！
至於手勢方面，根本無對錯之分，人人隻手都唔同，
你要 feel 下自己點禁，先得夠條條弦都出到聲